Свет
Израел ќе продолжи со градењето населби во Ерусалим

Тел Авив соопшти дека ќе продолжи нема да ја промени политиката на подигнување населби во источен Ерусалим, со што го продолжува спорот со Вашингтон околу заживувањето на мировниот процес со Палестинците
Оваа изјава за градењето во Ерусалим беше објавена од страна на Израел во текот на траењето на состанокот на Бенјамин Нетанјаху со министрите од неговиот кабинет на кој расправаат за влијанието на градењето врз процесот на заживување на мировните преговори. А тоа го бараше американскиот државен врв во текот на посетата на израелскиот премиер Нетанјаху на Вашингтон минатата седмица. „Израелската политика на градење во Ерусалим остана непроменета во изминатите 42 години и нема да се менува“, стои во соопштението на портпаролот на премиерот на Израел, Нир Хефез, во коа како што пренесува Reuters, се нагласува дека министрите нема да попуштат во водењето на ваквата политика. Администрацијата на американскиот претседател Барак Обама спроведе притисок врз Израел да го сопре градењето во источен Ерусалим, прашање кои стана уште повеќе спорно откако беше објавен израелскиот план за градење на дополнителни 1.600 домови за Евреите, што се случи во текот на посетата на американскиот потпретседател Џозеф Бајден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Со Путин е договорен прекин на огнот за енергетските и инфраструктурните објекти

Американскиот претседател Доналд Трамп изјави дека во денешниот телефонски разговор со неговиот руски колега Владимир Путин се договорил за итен прекин на огнот меѓу Русија и Украина во сите енергетски и инфраструктурни објекти.
„Се согласивме на итен прекин на огнот на сите енергетски и инфраструктурни објекти, со разбирање дека ќе работиме брзо за да постигнеме целосен прекин на огнот и, на крајот, да ставиме крај на оваа многу страшна војна меѓу Русија и Украина. Оваа војна никогаш немаше да започне ако јас бев претседател“, рече Трамп на Truth Social.
Тој додаде дека имал „многу добар и продуктивен“ разговор со Путин и дека разговарале за „многу елементи од мировниот договор, вклучувајќи го и фактот дека илјадници војници умираат“.
„Тој процес сега е во полна сила и ефект, и се надеваме, заради човештвото, дека ќе ја завршиме работата“, рече Трамп.
Свет
Гутереш ги повика Израел и Хамас целосно да го почитуваат прекинот на огнот во Газа

Генералниот секретар на Обединетите нации Антонио Гутереш денеска ги повика Израел и палестинската милитантна група Хамас целосно да го почитуваат прекинот на огнот во Појасот Газа.
Тој рече дека Палестинците во Појасот Газа се подложени на „неподносливо страдање“ додека израелските напади продолжуваат немилосрдно.
Гутереш им рече на новинарите во Женева дека улогата на ОН е меѓународната заедница да изврши притисок врз Израел и Хамас целосно да го почитуваат прекинот на огнот во Појасот Газа, пренесе Ал Џезира.
Министерството за здравство на Хамас објави дека повеќе од 400 луѓе, главно палестински деца и жени, биле убиени во текот на ноќта во израелските напади врз Појасот Газа.
Свет
Ница ја погоди земјотрес со јачина од 4,1 степени

Земјотрес со јачина од 4,1 степени според Рихтер вечерва ја погоди областа во близина на францускиот град Ница, соопшти Европскиот медитерански сеизмолошки центар (EMSC).
Земјотресот се случил на 16 километри северно од Ница, каде живеат околу 340.000 жители, додава EMSC.
Земјотресот се случил на длабочина од десет километри.