Свет
Подигнато нивото на безбедност во Москва
По денешните терористички напади на московското метро, кога од бомбаши-самоубијци во две одделни експлозии загинаа најмалку 37, а 65 луѓе се повредени, претседателот, Дмитри Медведев, рече дека Русија бескомпромисно ќе се бори против терористите, до крај
Сведоците зборуваат за паника во двете подземни станици во московското метро, додека луѓето паѓале едни врз други низ чадот и прашината што се кревала, додека се обидувале да избегаат.„Бев во средниот дел на возот, кога одеднаш почувствував силни вибрации и слушнав силна експлозија некаде во вториот вагон“, вели еден неименуван сведок за РИА, руската новинска агенција.„Луѓето врескаа како да се во пекол“, додава тој. „имаше многу чад, а за две мминути ништо не се гледаше од чадот“.Некои од повредените биле по воздух однесени во болниците со хеликоптери. На другите им помагале лекарите од брзата помош на станиците, додека чекале амбулантни возила.„Се качував по подвижните скали, кога слушнав силна експлозија, вратата од метрото летна, а луѓе со викање, безглаво трчаа кон излезите“, вели Алексеј, за Русија 24.Медведев наредил подигнување на нивото на безбедност во земјата, а аеродромите се на готовс.Ниедна група не ја презеде одговорноста за нападите, но шефот на Федералното биро за безбедност, Александар Бортиков, вели дека бомбашите веројатно се припадници на Северен Кавказ, каде Москва се соочува со исламистички востаници кои се шират низ земјата од Чеченија во соседниот Дагестан и Ингушетија, пренесува Ројтерс.
Руските лидери прогласија победа во борбите со чеченските сепаратисти кои водеа две војни со Москва. Но, додека насилството престана во Чеченија, се прошири на сосдните Дагестан и Ингушетија, каде локалните кланови се судираат со банди и исламистички милитанти.Владимир Путин ја зацементира својата сила во 1998 година со победата над сепаратистичлката влада во главниот град на Чеченија, Грозни. Руските власти се плашат од загубана овој регион, затоа што тој е еден од најзначајните енергетски транзити, а неговото отцепување би значела дестабилизација на 11 часовни руски зони.Чеченските сепаратисти се обвинети за нападите, а сомнежите се свртени кон Северен Кафказ чиј бунтовнички лидер, Доки Умаров, што се бори против исламистите го држи цел регион, а на 15 февруари повика на војна против Руските градови.„Крвта повеќе нема да биде ограничена само на нашите (Кафкаските) градови. Војната ќе стигне и во нивните градови“, вели чеченскиот лидер за неофицијален исламистички сајт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.