Свет
Потпишан договорот START
Барак Обама и Дмитриј Медведев го потпишаа во четврток во Прага новиот договор за нуклеарно разоружување. Новиот договор START за намалување на нуклеарното вооружување на САД и Русија претседателите на двете држави го потпишаа во четврток напладне во Прашкиот дворец во главниот град на Чешка
Програмата за средбата на претседателите Барак Обама и Дмитриј Медведев бил допрецизирана во текот на велигденскиот викенд Новиот Договор за ограничување на стратешкото вооружување (START) ќе има важност од десет години а се надоврзува на претходниот ваков договор кој важеше од 1991 до крајот на 2009 г. На него преговарачите работеа од април 2009 г. Разговорите беа тешки, бидејќи имаше големи разлики околу верификацијата, вклучувајќи ги инспекциите на самите арсенали, како и околу проектилите кои ги носат нуклеарните боеви глави.Според податоците за новиот START, кои ги објави Белата куќа, двете земји се обврзуваат значително да го намалат стратешкото вооружување во рок од седум години од неговото стапување на сила. Тој ќе стапи откако по потписите на претседателите врз него, ќе биде ратификуван и од руската Дума и од американскиот Сенат. START 2 предвидува ограничување на разместувањето на нуклеарните боеви глави на 1.500 за секоја од страните. Тоа е ниво за 74 отсто помало од она од претходниот договор START 1 од 1991 г., и за 30 проценти пониско од она предвидено со Московскиот договор од 2002 г. Комбинираната бројка разместени и неразместени копнени и поморски лансери на интерконтиненталните балистички проектили (ICBM), како и на тешките бомбардери опремени да носат нуклеарно оружје, се ограничува на по 800 за секоја од потписничките на договорот. Со овие ограничувања се преполовени и одредбите за системите за испорачување на нуклеарното оружје. Според податоците што претходно ги објави Федерацијата на американските научници (FAS), САД моментално имаат разместени 2.100 а Русија 2.600 стратешки боеви глави. Двете земји неколку години наназад еднострано ги намалуваа бројките на лансери (ICBM), па така според истите податоци САД имаат сега помалку од 1.200 а Русија околу 800, колку и што се предвидува со новиот договор.Верификацискиот режим за кој зборуваше американскиот претседател предвидува теренски инспекции, размена на податоци и информации.Меѓутоа, потврдено е дека договорот не содржи ограничување за тестирање, развој и разместување на веќе постојните или планирани американски програми за одбрана од проектили или за постојните или планираните капацитети за конвенционални напади од долг дострел, потврди Белата куќа. Според американските медиуми, оваа одредба била една од најспорните точки од преговорите, бидејќи Русија бараше со договорот да се ограничат и системите за одбрана од проектили. Државната секретарка Хилари Клинтон и министерот за одбрана на САД, Роберт Гејтс минатиот петок изјавија дека промените нема да ја загрозат способноста на земјата да се заштити самата и нејзините сојузници. Како што пишуваат американските медиуми, Обама планира да отвори и втор круг од преговорите за натамошно намалување на нуклеарните арсенали, во кои би биле опфатени веќе складираните нуклеарки и тактичките атомски бомби, а на крајот смета во преговорите да бидат вклучени и другите нуклеарни сили, како Кина, Велика Британија, Франција итн. По потпишување на договорот со Медведев, на 12. и 13-ти април, во Вашингтон Обама организира самит на 45 држави посветен на спречувањето на ширењето нуклеарно оружје и материјали. Во мај, пак во Њујорк светските лидери ќе имаат редовна конференција за ревизија на спроведувањето на Договорот за неширење на нуклеарното оружје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Патници скокаа од крилата на авион поради лажна тревога за пожар
На пистата на аеродромот Палма де Мајорка рано утрово се случи инцидент на летот на „Рајанер“ за Манчестер. Поради лажна пријава за пожар, авионот беше евакуиран, а 18 лица беа полесно повредени, потврдија локалните власти.
Инцидентот се случил во саботата во 00:30 часот. Службите за итни случаи добиле пријава за пожарот во авионот што бил на постојката, а според порталот „Кроника Балеар“, противпожарни екипи и работниците за итни случаи веднаш биле испратени на терен.
Шест патници биле пренесени во болница за дополнителни прегледи – тројца во клиниката Ротгер, а тројца во болницата Палмапланас. Другите беа згрижени на местото на настанот со полесни повреди, како што е истегнување на зглобот.
Ryanair 737-800 evacuated at Palma de Mallorca Airport after a fire indication developed on board during taxi.
The SAMU061 coordination center received a call at a.m, reporting a fire on flight RK3446 to Manchester.
A total of 18 people were injured during the evacuation, six… pic.twitter.com/XpCCejGq2t
— Breaking Aviation News & Videos (@aviationbrk) July 5, 2025
Локалната цивилна гарда и пожарникарите на аеродромот помогнаа во евакуацијата на патниците, од кои некои сами скокнаа од авионот преку крилата за да се оддалечат од авионот што е можно поскоро.
Рајанер потврди дека полетувањето е откажано поради лажно предупредување за пожар.
„Летот од Палма до Манчестер на 4 јули не полета поради лажна индикација за пожар. Патниците беа евакуирани и вратени на терминалот“, изјави портпаролот на Рајанер.
„При излегување од авионот, неколку патници беа полесно повредени, па екипажот веднаш побара Итна медицинска помош. За да ги намалиме доцнењата, брзо организиравме заменски авион кој полета од Палма во 07:05 часот утрово.“
„Искрено им се извинуваме на сите патници за непријатностите што ги доживеаа“, додаде авиокомпанијата.
Свет
(Видео) Украинците погодија магацин за оружје на руски воен аеродром, снимен напад со дрон
Украинските специјални сили извршија напад врз рускиот воен аеродром Борисоглебск, кој се наоѓа во регионот Воронеж, објави украинската армија на социјалните мрежи.
Во нападот, според нивните изјави, биле погодени магацин со бомби и авион за обука.
Russian Telegram channels report an attack on a Russian airfield in Borisoglebsk and Progress plant in Cheboksary where EW components are made. pic.twitter.com/UOfSHaqe6I
— Anton Gerashchenko (@Gerashchenko_en) July 5, 2025
Тие исто така додадоа дека постои можност да бидат оштетени и други авиони, но без дополнителни детали.
Овој аеродром се користи како база завиони од типот Су-34, Су-35С и Су-30СМ, се вели во соопштението.
Свет
(Видео) Огромни поплави во Тексас, 24 мртви, 25 деца се водат за исчезнати
Најмалку 24 лица се мртви, а десетици се водат за исчезнати, вклучувајќи 25 деца, откако вчера поплави погодија делови од централен Тексас. Исчезнувањето на околу 25 девојчиња кои беа во летниот камп го потврди вицегувернерот Ден Патрик. Досега се спасени повеќе од 237 лица.
„Во рок од 45 минути, реката Гвадалупе се искачи за 8 метри и имаше катастрофална поплава – одземајќи имот, а за жал и животи“, рече Патрик на прес-конференција во петокот.
Тој прочита изјава од Камп Мистик, во кој живеат околу 700 деца, во која се вели дека има „катастрофално ниво“ на поплави и им кажува на родителите дека ако не се контактирани, тоа значи дека нивното дете е наведено како безбедно.
BREAKING: 20 children are missing in the Texas Hill Country flash flood.
Praying for the best.
This is not a time to be defunding weather research and NOAA. pic.twitter.com/VpUpnAylKk
— Brian Krassenstein (@krassenstein) July 4, 2025
„Тоа не значи дека децата загинале. Можно е да се надвор од домет“, додаде заменик-гувернерот, кој е вршител на должноста гувернер додека Грег Абот е на одмор.
Претседателот на САД, Доналд Трамп, зборуваше за поплавите утрово. „Ужасно е“, рече тој, додавајќи дека поплавите се „шокантни“.
Поради сериозноста на ситуацијата, прогласена е вонредна состојба во некои области. Спасувачките операции и евакуациите се во тек од раните утрински часови, а властите предупредуваат дека може да има понатамошни поплави, дури и ако дождот не е обилен.
„Дури и со слаб дожд, можни се повеќе поплави“, рече вршителот на должноста гувернер Ден Патрик.
🚨 BREAKING: MULTIPLE DEAD IN CATASTROPHIC TEXAS FLOODING: EVACUATIONS UNDERWAY
The Guadalupe River has now reached its 2nd highest flood stage ever, unleashing a deadly wave overnight and swallowing entire towns in Central Texas.
Kerr County officials are calling it… pic.twitter.com/vcP4vOMZDJ
— HustleBitch (@HustleBitch_) July 4, 2025
Гувернерот на Тексас, Грег Абот, рече дека државата ги обезбедува „сите потребни ресурси за Кервил, Инграм, Хант и целиот Тексас Хил Кантри кој се соочува со оваа катастрофална поплава“.
Погодената област од поплавата се наоѓа северозападно од градот Сан Антонио. Снимките од терен покажуваат ненадејни поплави кои ги преплавија мостовите и патиштата, а брзо движечката вода носи сè пред себе.
„Ве молам, не ризикувајте. Бидете внимателни, слушајте ги локалните предупредувања за вонредни ситуации и никогаш не возете низ поплавени патишта“, рече комесарот на Министерството за земјоделство на Тексас, Сид Милер.
Канцеларијата на шерифот на округот Кер го опиша настанот како „катастрофална поплава“ и потврди дека имало жртви. На граѓаните што живеат во близина на потоци, речни текови и реката Гвадалупе им беше советувано веднаш да се евакуираат на повисоки места.
Фото: принтскрин
(Видео) Со див приклучок на водоводната мрежа полевал илјадници метри земјиште – Град Скопје поднесе кривична
Град Скопје информира дека денеска е откриен нов див приклучок на мрежата за питка вода на подрачјето на општина Сарај,...
„Ова не е буцни прачка, пиј вино“ – Тошковски уверува дека се постапува за дивоградбите во Чаир
Министерството за внатрешни работи постапува по наредба од јавен обвинител во врска со случаите на дивоградби на подрачјето на скопската...
Куќен притвор за возачот што го усмрти Југослав на кеј, претходно бил осудуван за насилство и непочитување на ковид мерки
Судот му определи куќен притвор на 25-годишниот скопјанец кој со мотор без дозвола го усмрти Југослав Николовски (68) на пешачка...
17-годишник загина во сообраќајка во Кичево – возел мотор и се судрил со „ауди“
Несреќа со смртни последици се случи вчера во Кичево, пришто животот го загуби 17-годишно момче од овој град, кое управувало...
Трамп го потпиша својот „голем, прекрасен“ закон: „Никогаш не сум видел толку среќни луѓе“
Претседателот на САД, Доналд Трамп, вчера во Белата куќа потпиша голем пакет даночни олеснувања и намалувања на јавните трошоци, на...
Пеколни горештини во Македонија, температурата денес ќе достигне 41 степен
Македонија е под топлотен бран. Според метеоролозите, времето денес ќе биде сончево и многу топло со мала до умерена локална...
Маргини: Луѓето не заминуваат оти се откажале од формирање семејства, туку зашто државата се откажала од нив
Коалицијата Маргини ја осудува изјавата на премиерот Христијан Мицкоски дека „време е за држава каде што ќе се раѓаат повеќе...
Тенис на Вимблдон или трки на коњи во Аскот
Танталови маки за англиската аристократија Од специјалниот известувач од Вимблдон Во Велика Британија временските прилики се најчесто неприлики доколку планирате...
Османи: Владата направи огромна грешка што го постави јазикот како алатка за популистичка егзибиција, време е да се престане со националистичко родео
Владата направи огромна грешка што го постави јазикот како алатка за дневна политика и популистичка егзибиција. Со тоа тие ја...
Претходно осудувано лице: скопјанецот кој го усмрти пешакот со мотоцикл, немал возачка дозвола
Основното јавно обвинителство Скопје донесе Наредба за спроведување истражна постапка против 25-годишен скопјанец, осомничен за -Тешки дела против безбедноста на...
МНР со детали за несреќата во Србија: загинатиот Македонец има 39 години, тешко повреден е уште еден македонски државјанин
МНР соопшти дека до Амбасадата на Република Северна Македонија во Белград е доставена информација за сообраќајна незгода. Според соопштението несреќата...
МВР со апел до граѓаните: да не отвораат линкови од СМС пораки, можат да бидат цел на криминални групи
Секторот за компјутерски криминал при Министерството за внатрешни работи, ги информира граѓаните дека во изминатиот период се забележани зголемен број...
Јаневска: Во изминатите седум години имаме 17.000 ученици и 7.000 студенти помалку, се празнат училниците
Во седум изминати години имаме 17.000 ученици и 7.000 студенти помалку. Училниците и амфитеатрите се празнат. Ако тоа не се...
Предлогот на Мицкоски за даночење на самците кореспондира со идеите од авторитарни режими, реагира Мрежата за заштита од дискриминација
За време на настанот „Демографски трендови, предизвици и можни решенија – Развој на стратешки документи за демографска отпорност“, претседателот на...
Драма во Шуто Оризари – насилници со палки, боксови и со клоци претепале вработен во „Водовод“
Тројца насилници со железни и дрвени палки, клоци и боксови претепале вработен во „Водовод“ пред пунктот на претпријатието во Шуто...
Поднесено обвинение против директорот на болницата за геријатрија за примање поткуп од 20.000 евра
Обвинителството поднесе обвинение против директорот на ЈЗУ Специјализирана болница за геријатриска и палијативна медицина во Скопје, Мухсин Арифи, и уште за...
Владата размислува да ги даночи немажените и неженетите, рече Мицкоски
Владата размислува за дополнителни даноци за немажени и за неженети, соопшти премиерот Христијан Мицкоски говорејќи дека е време за држава во...
Од денеска до вторник топлотен бран во Македонија, се активираат препораките за заштита на населението
Министерството за здравство ја информира јавноста дека во согласност со прогнозите од УХМР и врз основа на акцискиот план за...
Уапсен 42-годишник од Радовишко, силувал 77-годишна жена
На втори јули, во 17 часот полициски службеници од СВР Струмица- ОВР Радовиш го лишиле од слобода 42-годишниот А.С. од...
39-годишен Македонец е загинатиот во несреќата во Србија
Во сообраќајна несреќа што се случи рано утрово на автопатот Нови Сад – Суботица загина македонски државјанин, додека друг се...
