Свет
Ноќ за молитва за загинатите во Полска
Десетици илјади Полјаци ја поминаа ноќта на улиците низ Полска во молитва за жртвите од авионска несреќа во која вчера загина и полскиот претседател Лех Качински, како и многу припадници на државниот и воениот врв на Полска
Телата на жртвите ќе бидат транспортирани во Москва за идентификација, руските власти прават се за да им излезат во пресрет на роднините на загинатите кои пристигнуваат во Русија за да ги идентификуваат телата. Во Полска, жителите веќе во првата вест за несреќата почнаа да излегуваат на улиците со свеќи и цвеќиња, а по потврдување на веста се огласија и камбаните низ земјата. Вчера биеше и најголемата камбана Зугмунд Валеву во Краков, која се огласува само во исклучителни околности. Полјаците вчера го преполнија просторот пред претседателската палата со цвеќиња и свеќи и преку интернет и СМС пораки се организираа за ноќно бдеење на плоштадот во Варшава, исто како пред пет години кога умре нивниот сонародник папата Јован Павле II. Насекаде низ домовите полското знаме е обвиено со црна лента, а како знак на жалост знамињата се спуштени на половина копје. Во Полска е прогласена седумдневна жалост, а во Русија дводневна жалост. Денеска на пладне, како и во сабота кога ќе се одржи погребот, цела Полска ќе запре за двеминутно молчење со кое ќе им оддаде почит на жртвите на несреќата.Полскиот авион се урна вчера во близина на рускиот град Смоленск и во несреќата загинаа претседателот Лех Качински, неговата сопруга и целата владина делегација која патуваше да им оддаде чест на илјадниците полски офицери убиени пред 70 години во Катинската шума.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Саливан: САД нема на располагање ниту еден „Патриот“ систем за противвоздушна одбрана што би можел да го достави до Киев
Советникот за национална безбедност на американскиот претседател, Џејк Саливан, рече дека Вашингтон во моментов нема достапни системи за противвоздушна одбрана „Патриот“ што би можел да му ги достави на Киев.
„Американските системи „патриот“ се распоредени низ целиот свет, вклучително и на Блискиот Исток, за да ја заштитат американската војска. Доколку има можност да се ослободи батерија, ќе ја испратиме во Украина“, рече тој, а пренесе телевизијата „Ем-ес-ен-бси“.
Истовремено, Саливан додаде дека Америка, додека не дојде во ситуација да испрати свои „патриотски“ системи во Украина, ќе работи да ги убеди своите сојузници од Европа да ги испратат своите системи за противвоздушна одбрана.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.