Свет
САД во потера по неуспешните бомбаши од Њујорк
Амриканските служби за безбедност во понеделник изразија оптимизам дека виновниците за неуспешниот бомбашки напад на „Тајмс Сквер“ во Њујорк ќе бидат наскоро приведени, откако ги пребараа видео материјалите и другите докази, кои можат да помогнат во ловот, пренесува Reuters
Комесарот на њујоршката полиција Рејмонд Кели изјави дека белец на 40 години возраст бил забележан од безбедносните камери во непосредна близина на местото каде што во саботата навечер беше оставено возилото со експлозивнат направа, со вклучен мотор и сите четири трепкачи. Во видеото, со траење од околу 19 секунди, што до медиумите го достави полицијата, се гледа слаб човек како соблекува темна кошула и ја тутка во некој вид на чанта, а потоа се одалечува по тротоарот, при што два пати вознемирено се врти и гледа преку рамото.Во меѓувреме, градоначалникот на Њујорк, Мајкл Блумберг, изјави дека не постојат докази дека во неуспешниот напад е вмешана и терористичката мрежа Ал Каеда, или пак некоја друга слична исламистичка милитантна група. Претходно, пакистанските талибанци излегоа со тврдење дека тие ја поставиле бомбата, за да се одмаздат за убиството на двајцата високи функционери на Ал Каеда во Ирак. Безбедноста на аеродромите и на сите јавни места на американскиот источен брег е драстично зголемена, за да се спречи поставување на слични направи каде што има голема концентрација на луѓе. Преку 2.600 луѓе загинаа во терористичкио напад на кулите-близначки на Светскиот трговски центар во Њујорк на 11 септември 2001 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Човек ненадејно почина на лет од Бугарија: авионот принудно слета во Келн
Авион на Jet2 од Бугарија за Велика Британија ненадејно бил пренасочен кон Келн, откако еден патник починал за време на летот.
Летот LS3214 полета од Бургас, Бугарија за Ливерпул во понеделникот околу 13 часот по локално време, пред екипажот да прогласи вонредна состојба два часа подоцна.
Авионот бил пренасочен кон Келн, а по слетувањето на оддалечената писта на аеродромот околу 15 часот и 32 минути, кон авионот веднаш се упатила брзата помош.
Мажот, наводно, добил срцев удар и бил прогласен за мртов, и покрај огромните напори на патниците и екипажот да го реанимираат, пишува Мирор.
По неколку часа поминати на аеродромот, авионот конечно повторно полета за Ливерпул во 21.17 часот и слета во Велика Британија во 22.27 часот.
Регион
Дојава за бомба во Подгорица, судот итно евакуиран
Зградата во која се сместени Вишиот суд и Врховниот суд во Подгорица е евакуирана поради дојава за поставена бомба.
На електронската пошта на Врховниот суд е испратена закана за бомба.
Специјалната полициска единица моментално врши проверка на просториите, а вработените ја напуштиле зградата, јавуваат подгоричките медиуми.
Европа
Советникот на Зеленски: Кина е најголемиот проблем
Приближно 60 отсто од странските делови на руското оружје што се користи на бојното поле во Украина доаѓаат од Кина, изјави денеска Владислав Власиук, советник на украинскиот претседател.
„Ако ги земете сите вообичаени видови оружје и ги броите компонентите произведени во странство, околу 60 отсто ќе бидат од Кина. Имавме долги разговори со некои производители за ова. Би рекол дека НР Кина е најголемиот проблем“, рече Власиук.
Советникот на Володимир Зеленски рече дека некои од важните делови што се користат во надзорот, беспилотните летала и ракетите доаѓаат од САД, Холандија, Јапонија и Швајцарија, заедно со други западни земји.
По почетокот на руската агресија врз Украина во февруари 2022 година, меѓународната заедница воведе трговски санкции кон Москва, но Русија оттогаш успеа да ја снабди својата воена машина со западни микрочипови и полупроводници, пишува Ројтерс.