На денешниот Ден на слобода медиумите, 3 мај, триесет влади во светот ќе добијат барања за информации поврзани со корупцијата, од „Transparency International“ и од „Access Info Europe“, соопштуваат двете здруженија

Кампањата, „Кажете ни што сте направиле!“, има за цел да покаже дали владите се придржуваат до Конвенцијата на Обединетите нации против корупцијата и другите антикорупциски ковенции.  Барањата за добивање информации за тоа што прават владите за да ја спречат корупцијата ќе бидат пратени во исто време од страна  на „Transparency International“, како и од „Freedom of Information Advocates Network“ и „UNCAC Coalition“. Резултатите ќе бидат објавени во 2011 година на четвртата конференција на   Конвенцијата на Обединетите нации против корупцијата во Мароко. „Пристапот до информации е срцето на антикоруциската агенда. Бројните случаи каде моќта е употребена за лични цели, а прикриена од новниари од големи медиуми, покажува дека простапот до информации е од најголемо значење“, вели Џилијан Дел, координатор на иницијативата на „Transparency International“. Основан од ОН во 1993 година, Денот на слобода на медиумите е посветен на „правото да се знае“, или право на граѓаните да имаат простап до информации кои ги имаат јавните институции . „Правото да знаете што знае владата е основно за новинарите, како и за цивилното општество, за да може да се идентификуваа корупцијата, а јавните службеници да бидат пресметливи“, вели Хелен Дарбишир, извршен директор на Access Info Europe.