Свет
Тројца новинари ранети во Бангкок
Три новинара меѓу кои е и канадски новинар се ранети во петок во тајландската престолнина додека известувале за судирите мешу демоснтрантите и полицијата
Тројцата новинари биле погодени во нозете и се наошаат вон животн аопасност, пренесе агенцијата AFP. Канадскиот снимател за француската информативна мрежа France 24 бил, покрај во ногата, потешко е ранет и во стомакот и во дланката а се здобил и со неколку скршеници. Во првата седмица од април меѓу тогаш 18-те убиени, беше и јапонскиот репортер на Reuters, 43-годишниот Хиро Мурамото.
Во четврток еден од демонстрантите беше убиен, а воениот советник на опозициските „црвенокошулаши“ бил ранет во главатаПо десетдневните преговори и привиден мир, од четвртокот во Бангкок повторно на сцена стапи насилството. Заради влошување на состојбата во главниот град во које прогласена вонредна состојба, уште од април САД ја затворија својата амбасада, а Велика Британија исто така најави дека ќе ја затвори своето дипломатско претставништво.Во оваа политичка криза што го зафати Тајланд најлоша од 1992 г, од средината на март досега загинаа 31 лице а околу илјада се ранети.„Црвенокошулашите“ под водство на опозициската партија Обединет фронт за демократија против диктатурата масовно протестираат во Бангкок од 12-ти март. Демонстрантите бараат од премиерот Абхист Вејџаџива да го распушти парламентот, сметајќи дека партиите кои го поддржуваат поранешниот премиет Таксин Шинаватра ќе победат на новите избори и ќе придонесат за поголема демократизација на земјата.Противниците на премиерот веќе го поддржаа предлогот парламентот да биде распуштен меѓу 15 и 30 септември, со што изборите би се одржале во ноември, но најавија дека ќе останат на улиците на Бангкок, каде протестираат од 12 март, се додека не биде познат точниот датум на распуштање на парламентот.Tаксин Шинаватра, кој пред извесно време престојуваше во Црна Гора чиј пасош поседува, постојано престојува во Дубаи каде е во доброволен егзил сакајќи да ја избегне затворската казна откако беше осуден за злоупотреба на функцијата и за проневера. Тој беше соборен со државен удар во 2006 г. и од тогаш е во бегство. Во отсуство е осуден на две години затвор, а по него од тајландските власти е распишана потерница на Интерпол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Сведоштво од Иран: „Војна е, нè убиваат затоа што немаат место во затворите“
Информациите од Иран се тешко достапни по петдневна блокада на комуникациите, но една млада жена која успеала да избега во Дубаи раскажа за бруталното задушување на протестите, тврдејќи дека припадниците на Револуционерната гарда „ги застрелале сите во глава“, пишува Скај њуз.
„Беше војна“, беа зборовите што ги употреби една млада Иранка за да ги опише сцените што ги видела на улиците на Техеран. Проверката на настаните во земјата стана исклучително тешка откако Иран беше ставен под речиси целосна интернет блокада. Повеќето Иранци не можеа да комуницираат со надворешниот свет пет дена, а дури сега постепено се воспоставуваат ограничени телефонски врски. Жената, која побара да остане анонимна поради страв за безбедноста на членовите на семејството кои останале во Иран, во статијата беше именувана како Лејла.
„Нè убиваат затоа што немаат место во затворите“
„Им пукаа на сите во глава“, рече таа, опишувајќи ги протестите што избувнаа секоја вечер во нејзиното соседство во северен Техеран. „Мислам дека веќе немаат место во затворите, па затоа само нè убиваат“.
Лејла го напушти Иран во недела навечер, по неколкудневните ескалациски немири што започнаа во четврток. Таа рече дека демонстрантите се собирале на улиците секоја вечер, додека други извикувале од своите прозорци: „Смрт за Хамнеи“ и „Вратете го Реза Пахлави“, повикувајќи на крај на Исламската Република.
„Имаше многу, многу луѓе испрскани со солзавец. Ни ги изгореа усните и очите“, рече таа. Таа, исто така, опиша како видела член на Иранската револуционерна гарда како насочува пиштол кон мајка што седела во автомобил со мало дете. Детето плачело, а жената не била застрелана на крајот, но други биле.
„Видов двајца мажи во близина на џамијата. Едниот од нив штотуку беше застрелан во главата. Се скривме во споредна улица. Кога се вративме неколку минути подоцна, телото го немаше“, рече Лејла.
„Луѓето околу мене беа убиени“
Лејла вели дека луѓето што ги познавала лично биле исто така убиени. „Братучедот на мојата пријателка беше застрелан пет пати. Тој почина“, вели таа. „Луѓето околу мене беа убиени“. Нејзината приказна е во спротивност со иранските власти, кои во последните денови инсистираа дека ситуацијата е „под контрола“. Државната телевизија објави дека училиштата, банките и бизнисите ќе останат затворени оваа недела, официјално поради загадувањето на воздухот.
Според Лејла, улиците биле потивки во текот на денот, а луѓето зборувале многу тивко. До вечерта, улиците повторно ќе се наполнат. Во петок, вели таа, областа околу Универзитетот во Техеран наликувала на воена зона, а во саботата и неделата протестите започнале уште порано. „Не беа само млади луѓе. Имаше постари луѓе, религиозни луѓе, жени што носеа хиџаб. Дури и многу религиозни луѓе протестираа“, додава таа.
Бегство и испрашување на аеродромот
Лејла, која има двојно државјанство, веќе планирала да го напушти Иран. Нејзиниот првичен лет беше откажан, а поради прекин на интернетот, таа лично отиде на аеродромот во неделата за да провери дали може да патува. Откако обезбеди место на летот, нејзината мајка ја замоли да ги избрише фотографиите и видеата што ги направила од протестите, вклучувајќи слики од крвави улици и мртво тело.
На влезот во авионот, ѝ пристапи ирански безбедносен службеник. „Тој ја знаеше мојата крајна дестинација. Ме праша колку долго живеам таму и зошто. Побара да го види мојот телефон и ги прегледа моите фотографии. Бев преплашена – се чинеше дека знае сè за мене“, рече таа. Таа верува дека ако фотографиите беа пронајдени, ќе беше затворена на неодредено време.
Таа не се слушнала со својата мајка од неделата навечер. Лејла повикува на меѓународна интервенција, вклучително и од САД. „Без надворешна помош, тие само ги убиваат сите“, рече таа. „Овој пат, сите се на улица. Не е важно дали сте богати или сиромашни, религиозни или не, стари или млади. Сите сакаат овие луѓе да си одат. Но, тоа е многу тешко. Го уништија интернетот. Убиваат луѓе. Сите се плашат да излезат со информации.“
Свет
„Политико“: На Рамзан Кадиров му откажуваат бубрезите
„Политико“ пишува дека повторно се појавиле извештаи за сериозно нарушено здравје на чеченскиот лидер Рамзан Кадиров, во чувствителен момент за Кремљ.
Според тврдењата на украинските разузнавачки служби, Кадиров наводно боледува од откажување на бубрезите.
Точноста на овие информации засега не е потврдена. Кадиров и претходно повеќепати, според медиумски извештаи, бил на смртна постела, но секогаш повторно се појавувал во јавноста.
Фото: Depositphotos
Свет
(Видео) Земјотрес од 4,9 степени во Мексико
Мексико денес беше погодено од земјотрес со јачина од 4,9 степени по Рихтер, објави Европско-медитеранскиот сеизмолошки центар (EMSC).
Според извештаите, епицентарот на земјотресот бил на длабочина од 10 километри и на 45 километри од Акапулко. Досега нема извештаи за повредени или материјална штета.
JUST IN: 4.9 magnitude earthquake struck Guerrero, Mexico, tremors felt across multiple cities pic.twitter.com/zTJzvWx0LC
— Rapid Report (@RapidReport2025) January 16, 2026
Според исказите на очевидци објавени на веб-страницата на ЕМСЦ потресот бил почувствуван силно, креветите се нишале, а луѓето се буделе, бидејќи земјотресот се случил кратко пред 1 часот наутро по локално време.
(Фото) Макрон се појави пред војниците со црвено и отечено око
Емануел Макрон се појави со црвено око за време на неговото годишно обраќање пред француските војници. Тој се пошегува, користејќи...
Саудиска Арабија, Катар, Турција и Оман испратија предупредување до Трамп
Саудиска Арабија, Катар, Турција и Оман го повикаа американскиот претседател Доналд Трамп да не започнува воздушни напади врз Иран, стравувајќи...
(Видео) Кенеди за исхраната на Трамп: Не знам како е сè уште жив, јаде навистина лоша храна
Американскиот секретар за здравство и човечки услуги, Роберт Ф. Кенеди Џуниор, се осврна на навиките за јадење на Доналд Трамп,...
Венецуела најавува „нова политика“ и отворање на нафтените полиња за странски инвеститори
Привремената претседателка на Венецуела, Делси Родригез, во четвртокот претстави законодавна иницијатива насочена кон зајакнување на нафтената индустрија. Реформите ќе овозможат...
Нови израелски напади врз Газа: убиени членови на Хамас и Исламски џихад
Воен офицер на Хамас, полицаец од палестинското движење и милитант на Исламски џихад се меѓу најмалку десет лица убиени во...
Путин: Светот станува поопасен, ситуацијата на меѓународната сцена се влошува
Рускиот претседател Владимир Путин денес изјави дека меѓународната ситуација се влошила и дека светот станува поопасен, но не ја спомена...
Претреси на повеќе локации поради сомнежи за даночна измама од поголеми размери
Од попладнево, под раководство на јавен обвинител од Основно јавно обвинителство за гонење на организиран криминал и корупција (ОЈО ГОКК),...
Поддршка за новиот закон, пасивното пушење е докажана причина за сериозни болести, велат од Институтот за медицина на трудот
Институтот за медицина на трудот на РСМ, СЗО Колаборативен центар, како водечка јавно-здравствена установа во оваа област, изразува целосна и...
ИЈЗ: Нема потреба од продолжување на зимскиот распуст, грипот на ниво на средна активност
Во втората недела од 2026 година, состојбата со грипот во земјава се наоѓа на ниво на средна активност, со зголемен...
Муцунски: Одлуката на САД не значи крај за туристичките визи и „Ворк енд травел“ програмата
Министерот за надворешни работи, Тимчо Муцунски, појасни што значи одлуката на САД за стопирање на процесот на издавање на визи....
Двомесечно бебе почина во болницата во Кавадарци, телото е предадено на обдукција
Синоќа во ОВР Кавадарци е пријавено дека околу 21:35 часот на детското одделение во Општа болница Кавадарци починало бебе на...
„За почиста Македонија“ со петиција до Владата: казни и за фрлање отпад од автомобилите преку „Сејф сити“
Организацијата „За почиста Македонија“ собра 1.000 потписи за петицијата со која се бара системот за сообраќајни прекршоци „Сејф сити“ да...
Фирма фатена на дело – нелегално вршела поштенски услуги и криумчарела пратки, Царинската управа поднесе кривична пријава против две лица
Царински инспектори од Одделението за истраги, во координирана акција со МВР, УЈП, Агенцијата за пошти и Државниот пазарен инспекторат, извршија...
Израел и Иран постигнаа таен договор преку Русија
Во услови на високи тензии, Израел и Иран тајно разменија пораки, со посредство на Русија, уверувајќи се едни со други...
Иранско судство: Демонстрантот Ерфан Солтани не е осуден на смрт
Иранското судство ги негираше извештаите дека демонстрантот Ерфан Солтани е осуден на смрт, објавија иранските државни медиуми. Солтани претходно беше...
Егзекуцијата на иранскиот демонстрант Ерфан Солтани е одложена, велат семејството и групата за човекови права
Егзекуцијата на иранскиот демонстрант Ерфан Солтани не е извршена вчера, потврдија член на семејството и Хенгав, група за човекови права...
Неколку земји издадоа предупредувања до своите граѓани веднаш да го напуштат Иран
Неколку земји издадоа предупредувања до своите граѓани да избегнуваат патувања во Иран или веднаш да ја напуштат земјата поради задушувањето...
Трамп: Зеленски е главната пречка за постигнување договор
Американскиот претседател Доналд Трамп во средата изјави дека лидерот на иранската опозиција Реза Пахлави „изгледа многу пристојно“, но изрази неизвесност...
Грипот ја однесе првата жртва: почина 75-годишна жена
Вирусот на грипот ја однесе првата жртва оваа зима. Седумдесет и петгодишна жена починала пред три дена на Клиниката за...
И Македонија на листата на земји во кои САД ја запираат обработката на имигрантски визи, според „Фокс Њуз“
Администрацијата на американскиот претседател Доналд Трамп ја запира обработката на имигрантски визи за апликанти од 75 земји, соопшти во средата...
