Свет
Нова карикатура за пророкот Мухамед

Во јужноафрикански весник во саботата е објавена уште една карикатура на која пророкот Мухамед е прикажан како седи на лежалка и на психијатарот му се жали дека муслиманите немаат смисла за хумор
Очекувано и оваа карикатура во Mail & Guardian предизвика бес кај муслиманите од целиот свет, првенствено бидејќи исламот забранува прикази на пророкот Мухамед. Меѓутоа, оваа најнова карикатура која муслиманите ја сметаат за дел од низата провокации со карикатурите, предизвикува страв од реализација на заканите на муслиманските терористи за напади во текот на траењето на Светското фудбалско првенство кое ќе се одржува од 11-ти јуни до 11-ти јули. Автор на спорната карикатура е познатиот јужноафрикански карикатурист Џонатан Сапиро, познат под псевдонимот Запиро. Над пророкот тој го напишал текстот „Следбениците на другите пророци имаат смисла за хумор“, на карикатурата на која Мухамед е претставен на психијатриски третман. Карикатуристот изјавил дека верува дека сите религии би требале да се подложни на сатирата.„Ниедна верска заедница не би смеела да се умислува дека е над општеството и да не ги почитуваат дадените слободи за другите луѓе кои живеат во демократија“, вели Запиро.Издавачите на весникот се повикаа на слободата на говорот и им се извинија на сите кои со објавувањето на карикатурата се чувствуваат навредени.„Ова се времиња кога непријателите на исламот намерно создаваат ситуации кои треба да ги испровоцираат муслиманите“, изјавија од Советот на муслиманските теолози во Јужна Африка. Тие претходно во четвртокот се обиделе да издејствуваат судска забрана за објавување на карикатурата, но го изгубиле спорот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Тројца пациенти од Кочани се примени во болница во Варна

Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес.
Тие беа пренесени во Варна со воениот авион Спартан, кој првично слета во Софија, каде што пет пациенти беа сместени во болницата Пирогов.
Бугарија се обврза на лекување на 14 повредени во пожарот во Кочани.
Во пожарот што избувна во дискотека во Кочани животот го загубија 59 лица.
Европа
Русија го објави главниот услов за мировните преговори: „Ќе бараме челични гаранции“

Рускиот заменик министер за надворешни работи Александар Грушко во изјава за рускиот медиум „Известија“ кажа дека Русија во мировните преговори ќе бара гаранции од земјите на НАТО дека нема да ја прифати Украина во својот сојуз, односно дека Украина мора да остане неутрална.
„Ќе бараме челичните безбедносни гаранции да станат дел од овој договор. Една од овие гаранции е неутралниот статус на Украина, односно одбивањето на земјите од НАТО да ја примат Украина во алијансата“, рече Грушко.
Заменик-шефот на руската дипломатија го повтори ставот на Кремљ дека се противи дури и на пристигнувањето војници од земјите-членки на НАТО во Украина како дел од меѓународните мировни сили, откако Франција и Велика Британија изразија подготвеност да испратат свои војници во мировна мисија која ќе го надгледува прекинот на огнот.
„Не е важно под која ознака силите на НАТО пристигнуваат во Украина: било да е тоа Европската унија, НАТО или националниот капацитет. Доколку се појават таму, тоа ќе значи дека тие се распоредени во зоната на конфликтот со сите последици за тие контингенти како страни во конфликтот“, рече Грушко, додавајќи:
„Можеме да зборуваме само за распоредување невооружени набљудувачи, цивилна мисија која ќе го надгледува спроведувањето на одредени аспекти од договорот или механизмите за гаранција откако ќе се постигне договор. Дотогаш, сето тоа е само воздух“, рече тој.
Свет
Медведев се заканува со војна со НАТО: Консултирајте се со Трамп

Поранешниот руски претседател Дмитриј Медведев се закани со војна против НАТО доколку европските земји продолжат да инсистираат на своите планови за испраќање мировни сили во Украина.
Macron and Starmer are playing dumb. Time and again they are told that peacekeepers must be from non-NATO states. No, we will send tens of thousands – just lay it out – you want to give military aid to the neo-Nazis in Kiev. That means war with NATO. Consult with Trump, scumbags.
— Dmitry Medvedev (@MedvedevRussiaE) March 16, 2025
„Францускиот претседател Емануел Макрон и британскиот премиер Кир Стармер ‘се прават глупави’, напиша Медведев на Икс, кој е заменик-претседател на рускиот Совет за безбедност.
„Постојано им се кажува дека мировниците мора да бидат од земји кои не се членки на НАТО“, напиша тој. „Сакате да им дадете воена помош на неонацистите во Киев. Тоа значи војна со НАТО. Консултирајте се со Трамп“, додаде тој.