Повеќе од 27 лица се убиени а 31 е рането кога повеќе од илјада полицајци го нападнале станбениот комплекс во кој се забарикадирани вооружените телохранител и припадници на бандата на Кристофер Дудус Кок, трговец со дроги кого Јамајка треба да го испорача на САД

Полицајците упаднале во упориштето преку препреките од бодликава жица псотавен аво населбата Тиволи гарденс во западнито дел од јамајканската престолнина Кингстаун, пренесува AFP. По нападот, полицјата изјавила дека загинале 27 а 31 лице биле ранети.Инаку судирите меѓу полцијата и припадниците на нарко бандата на Кристофер Дудус Кок избувнаа во понеделникот навечер кога полициските сили на Јамајка се обидоа да го приведат. Гангстерите се повлекле во населбата од каде даваа силен отпор, па полицијата мораше да повика на помош и воени хеликоптери. Странските дописници јавуваат дека се уште не е јасно што точно се случува во големиот станбен комплекс во Тиволи гарденс, каде добро вооружените криминалци кои се помогнати и од платеници не дозволуваат да биде израчен најпознатиот нарк-бос од Јамајка. Дудус американските власти го сметаат за еден од најголемите и најопасни трговци со дрога кој има многу пари со кои сега ги активирал платениците, откако стана јасно дека премиерот на Јамајка, Брус Голдинг ќе стави крај на деветомесечното одложување за негово израчување. Меѓутоа, се уште не епознато дали во Тиволи се наоѓа и самиот Дудус или, пак, се сокрива во некој друг крај од земјата. Кок во САД го очекуваа судење а доколку биде осуден спроед обвиненијата, ќе добие повеќедецениска затворска казна. Американското министерство за правда во понеделник изјави дека владата на Јамајка има одговорност да го лоцира и уапси Кок. Портпаролот на американската амбасада во Кингстаун негираше дека САД преговараат со адвокатите на Кок. Во текот на вторник вооружените судири се проширија и во другите сиромашни квартови на Кингстон и во предградијата. Центар на судирите е Тиволи гарденс, но платениците повремено ги напаѓаат полицајците и во другите делови од градот. Министерот за безбедност, Двајт Нелсон изјавил дека полицијата ја има ситуацијата под контрола, иако медиумите известуваат дека се нападнати и повеќе полициски станици, меѓу кои е и главната полициска станица во престолнината. Инаку криминалците уште во неделата навечер почнаа со нападите врз полицијата. Кок ја црпи моќта од својата поврзаност со владејачката партија и е еден од локалните водачи. Платениците се всушност неговата приватна војска, која е формирана во 1970-ите кога Лабуристичката партија на која и е близок Кок, како и другите партии на Јамајка формираа свои паравојски за да си обезбедат добри резултати на изборите. Во меѓувреме бандите ја преземаат трговијата со дроги но и натаму остануваат лојални на партиите кои ги основаа.