Во нападот на две џамии во градот Лахоре во североисточен Пакистан досега се убиени најмалку 80 лица, но се смета дека конечната бројка загинати ќе биде многу поголема откако полицијата ќе ги извлече сите тела од зградите

Како што пренесовме претходно две групи вооружени напаѓачи во два синхронизирани напада влетале во две џамии во кои во тек биал вообичаената петочна молитва на околу две илјади верници од муслиманската секта „ахмади“, прито астрелајќи од автоматско уружје и користејчи фрлачи на гранати и бомби. Пакистанската полиција успеа брзо да ја преземе контролата врз една џамија, но во втората напаѓачите успеаја да се одбранат и да земат како заложници речиси илјада лица. Оваа џамија била освоена дури по повеќечасовни жестоки борби.Како што потврди во петок доцна попладне полицијата во Лахоре, еден од напаѓачите е убиен и идентификуван а двајца се заробени живи. На заробените биле откриени самоубиствени експлозивни појаси. За овој крвав напад врз „ахмадите“ во осум милионскиот Лахоре е осомничени радикалната исламистичка група Лашкар-е Џангави.Во Пакистан се активни неколку сунитски терористички групи кои се залагаат Пакистан да стане држава во која ќе се почитува сунитскиот „правоверниот ислам“. Тие често преземаат крвави напади врз припадниците на другите муслимански секти, како што овој случај против „ахмадиите“. Во последните неколку години, ове радикални групи воспоставија блиски врски со талибаните а најверојатно и со терористичката мрежа Ал Каеда.Една од најпознатите милитантни групи во Пакистан е Лaшкар-е Џангави (Војската на Џангави во превод), која е именувана во чест на еден од најпознатите сунитски радикали во земјатаСектата „ахмади“, во некои источни извори позната и како „кадиани“ или „ахмадија“, има почетоци во областа Пенџаб од крајот на 19-от век а за нејзин основач се смета Мирза Ахмад Ѓулам кој се обидувал да изгради верско движење кое ќе почива на синкретичката доктрина која нема да им се обраќа само на муслиманите, туку и на претставнциите на другите религии. Според различни проценки, денес оваа секта има четири милиони припадници во 170 милионскиот Пакистан.Пакистанските власти инаку на припадниците на сектата „ахмади“ не им ја признаваат припадноста на муслиманската вера и им забрануваат така да се изјаснуваат, поради што се често цел на нападите од припадниците на радикалните сунити.