Свет
Израел ја отфрли декларацијата на ОН за нуклеарно оружје

Израелскиот премиер Бенјамин Нетанјаху во понеделник ја отфрли декларацијата на Обединетите нации, со која неговата земја се повикува под итно да ги стави своите нуклеарни капацитети под закрила на ОН, пренесува Reuters
„Сметам дека ова е особено изместена и грешна резолуција, затоа што го издвојува Израел, единствената вистинска демократија на Блискиот исток и единствената држава на светот на која и’ се закануваат со целосно уништување. Истовремено, во резолуцијата воопшто не се споменува Иран, кој дрско го прекршува Договорот, брза да се вооружа со атомско оружје и отворено ја искажува својата желба да го види Ираел збришан од лицето на земјата “, изјави Нетанјаху.Декларацијата, усвоена во петокот од страна на сите 189 членки на Договорот за неширење на нуклеарниите материјали, исто така повикува на одржување на конференција во 2012 година, на која би се дискутирало за целосна забрана на оружјата за масовно уништување на Блискиот исток. Создавањето на таква зона конечно би го присилила Израел да го потпипше договорот и да се откаже од сето атомско оружје кое го поседува. Се претпоставува дека Израел има зналчителен нуклеарен арсенал, но Тел Авив тоа ниту го потврдува, ниту го негира. Израел е единствената блискоисточна држава која не го потпиша Договорот и, исто како и Индија И Пакистан кои отворено извршија проби на своето атомско оружје, не учествуваше на едномесечната конференција на ОН во Њујорк, чија цел беше да се ревидира Договорот за неширење на нуклеарните материјали. Декларацијата содржи и планови за натамошно разоружување, со што се зацврстуваат глобалните напори во оваа насока, како и мерки кои ќе го осигураат пристаопот до оваа енергија за мирнодопски цели. САД одбија да прифатат Израел да се одвои во резолуцијата и го осудија неспоменувањето на Иран. Администрацијата на претседателот Барак Обама истакна дека нема да преземе никакви чекори и да го присилува Израел да стори нешто што ќе ја загрози безбедноста на таа држава.„Најголемата закана за човештвото денеска е ако радикалниот ислам дојде до нуклеарно оружје или ако нуклеарното оружје дојде до радикалниот ислам. Првото го гледаме во Иран, а второто се талибаните во Паккистан. Ваквиот развој на настаните може… да го смени светот“, заклучува Нетанјаху.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Заменик началникот на ВМА: Состојбата на пациентите од Македонија е тешка

Заменикот началник на воената медицинска академија, Иван Лековиќ, денес изјави дека шест пациенти биле транспортирани во оваа здравствена установа и дека еден пациент е згрижен во воената болница во Ниш и посочи дека сите се во тешка и сериозна состојба.
Во изјавата на Министерството за одбрана се наведува дека пациентите биле транспортирани во три медицински возила и транспортниот авион на српската армија и дека еден пациент е згрижен во воената медицинска болница во Ниш. Сите пациенти кои биле примени во Воената медицинска академија се на помлада возраст, од 1998 до 2007 година, и тие се на единици за интензивно леќење, а нивната состојба е тешка и сериозна. „Ги преземавме сите мерки на интензивно лечење и ги искористивме сите наши ресурси за да им помогнеме на овие луѓе и да им помогнеме на луѓето од Северна Македонија“, рече Лековиќ.
Зборувајќи за процесот на повреди тој истакна дека сите пациенти биле во многу сериозна состојба.
„Покрај изгорениците што ги имаат сите, пациентите имаат и знаци и симптоми на труење од чадот, како и инхалациони повреди, односно оштетување на органи за дишење со топол воздух и материјали од пожарот. Лечењето е долготрајно, изискува бројни операции, вклучување на бројни други специјалисти – пулмолози, кардиолози, невролози, пластични хирурзи“, рече Лековиќ, според тамошните медиуми.
Тој додаде дека сите оперативни интервенции се изведуваат во повеќе акти и дека ќе треба да направат одредени засеци, да ги елиминираат овие оштетени површини и да ги покриваат изгорените површини со различни видови трансплантации.
„Сето тоа бара време и многу напор“, рече полковникот Лековиќ, додавајќи дека пациентот кој бил примен во болницата во Ниш, бил опериран и дека е во сериозна состојба.
Тој изјавил дека тие испратиле тим од шест члена до Македонија, кој се состои од двајца хирурзи пластичари, анестезиолог, анестетичар и двајца медицински техничари.
„Тие останаа во Скопје за да им помагаат на колегите од Северна Македонија во операцијата на пациентите. Ќе бидат таму сè додека е потребно“, истакна Лековиќ.
Македонија
Вучиќ ги посети повредените од пожарот во дискотеката од Македонија: Ќе биде добро, лекарите велат да не се грижите

Српскиот претседател Александар Вучиќ ги посети повредените во пожарот од дискотеката во Северна Македонија кои се на лекување во Клиничкиот центар на Србија.
„Ќе биде добро. Лекарите велат да не се грижите“, му кажа претседателот на еден од повредените, кој лежи во болнички кревет покриен со завои.
– Ви благодарам, тие се одлични лекари – одгови младиот пациент.
„Само држете се, ви посакувам се најдобро, не плачете, ќе бидете добро“, и рече претседателот на девојка додавајќи дека состојбата е донекаде сериозна, но нејзиниот живот не е во опасност.
„Имав можност да ги посетам луѓето кои беа повредени во страшната трагедија во Македонија. Тука лежат 9, во КЦС“, забележа тој на почетокот.
– Степенот на изгореници се движи од 4 проценти до многу повисоко ниво, за да не се исплашат семејствата. Најголем проблем за неколку пациенти се повредите на белите дробови. Но, тука. Невозможно е да се најдат подобри услови некаде во Европа. „Ќе ни дојдат уште 12 пациенти, со што вкупниот број ќе се искачи на 29“, нагласи Вучиќ.
„Уште еднаш изразувам сочувство до братскиот македонски народ“, рече тој.
Слушнавте, потсети претседателот, млад човек на триесет години кој рече „само да можам ова да го преживеам“.
Во Србија синоќа пристигнале 17 повредени, а се очекува да пристигнат уште 12.
Македонија
Утре ден на жалост и во БиХ поради трагедијата во Македонија

Владата на Босна и Херцеговина на денешната итна седница донесе одлука со која 18 март 2025 година го прогласи за Ден на жалост во Федерацијата Босна и Херцеговина поради трагедијата во Северна Македонија.
Оваа одлука е донесена за да се изрази сочувство до семејствата на жртвите од трагедијата што се случи на 15 март 2025 година во градот Кочани, Северна Македонија, кога најмалку 59 лица ги загубија животите во пожар.
Денот на жалост се одбележува со задолжително истакнување на знамето на Босна и Херцеговина на половина копје, или на јарболот, на зградите на законодавните, извршните и судските власти, јавните институции, институциите и другите правни лица на територијата на Федерацијата БиХ.
На Денот на жалост не може да се одржуваат културно-забавни програми на јавни места во Федерацијата БиХ, а медиумите на територијата на Федерацијата БиХ се обврзани да ја усогласат и прилагодат својата програмска содржина на Денот на жалоста.