Свет
Уште четири тела без глави најдени во Мексико
Мексиканската полиција крај пат во централниот дел од земјата нашла четири обезглавени тела на мажи за кои се претпоставува дека се убиени и искасапени во меѓусебна пресметка во продолжението на војната меѓу локалните нарко картели
Според пишувањето на мексиканските медиуми, на телата биле оставени пишувани пораки од што го изведуваат заклучокот дека станува збор за одмазда затоа што убиените кои имале на телата тетоважи што ја покажувале припадноста на бандта „Тигарот и волкот“ преминале во ривалската банда под контрола на локалниот нарко бос познат како Малиот татко.Полицијата од градот Икстлахуачана потврдила дека телата се најдени во истиот регион во кој пред два дена беа откриени две жртви. Инаку во четвртокот мексиканското министерство за надворешни работи и американскиот Стејт департмент објавија заедничка студија според која во Мексико годишно се „перат“ 29 милијарди долари заработени од илегалната трговија со дроги а поголемиот дел од овие пари се шверцуваат преку американско-мексиканската граница. Речиси 23 илјади луѓе се убиени во насилствата во Мексико поврзани со дрогата, откако мексиканскиот претседател Фелипе Калдерон им објави војна на наркокартелите во декември 2006 г., се вели во владин извештај објавен во четвртокот.Владата на Мексико вообичаено не ја објавува бројката на жртвите во нарко-војната. Неодманешните проценки на локалните медиуми се движеа околу бројката од 18 илјади убиени во изминативе три и пол години.
Според извештајот кој администрацијата на Калдерон го подготвила за членовите на мексиканскиот сенат, 22.700 луѓе загинале откако Калдерон ја презема функцијата во 2006 г. а три илјади луѓе се убиени само во првите три месеца од годинава, додека минатата година биле убиени 9.635 луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.