Израелската армија потврди дека убила најмалку четири палестински милитанти во водите близу појасот Газа. Од друга страна, а неговиот најголем непријател Иран најави дека ќе прати два брода со хунманитарна помош

Израелската поморска патрола во понеделник убила најмалку четири палестински милитанти. Патролата забележала чамец со четрии мажи во костуми за нуркање како се подготвуваат да извршат терористички напад, по штп отворила оган врз нив и ги ливкидирала, рекал портпаролката на израелската армија Авитал Леибовиц за Reuters. Истата информација ја потврдилие и извори од Хамас, чии припадници нашле четири тела, додека соопштиле дека едно исчезнато лице по кое се трага највероајтно е мртво.Иранската Црвена полумесечина ќе испрати два брода со хуманитарна помош за Газа кон крајот на седмицата обајвиле од оваа хуманитарна организација, пренесе иранската државна агенција Irna.  Едниот брод ќе биде натоварен со подароци од иранското население, претежно лекови и храна, а во вториот ќе патуваат доброволци од Црвената полумесечина, рекол Адбулрауф Адибзаде, директор на меѓународниот оддел на организацијата.„Доброволците кои сакаат да отидат во Газа и да помогнат на угнетениот народ во окупираната Палестина, можат да се регистрираат на интернет-страницата на организацијата“, изјави Адибзаде.   Идеолошката острица на иранскиот режим, Чуварите на револуцијата, претходно соопшти дека е подготвена да биде заштита на бродовите со хуманитарна на помош за Газа, доколку врховниот духовен и општествен ирански авторитет, ајатолахот Али Хамнеи издаде таква наредба.„Поморските сили на Чуварите на револуција се целосно подготвени да ги придружуваат конвоите на Флотата на мирот и слободата кои пренесуваат хуманитарна помош од целиот свет за напатениот народ во Газа“, изјавил Али Ширази, еден од врвот на Чуварите на револуцијата. Тој додал дека доколку ајатолахот Хамнеи издаде таква наредба, нивните поморски сили ќе преземат практична примена за придружување на бродовите кои пловат кон Газа при што ќе користат „свои средства и опрема“.Во понеделник во Њујорк, израелскиот министер за надворешни работи Авгидор Либерман треба да се се сретне со израелските дипломати и да го претстави ставот на владата во врска со крвавиот инцидент на хуманитарниот конвој од минатата седмица. Според сооптшението од израелското министерство за надворешни работи, Либерман на амбасадорите на Израел во САД, Канада и ОН ќе им ги соопшти деталите и имињата на високи личности кои стојат зад организирање на конволот и нивната поврзаност со „меѓународниот џихад“. Покрај тоа, Либерман ќе има средба и со врвот на американската еврејска заедница со кои ќе разговара за улогата што тие може да ја имаат во засилената пропагандна офанзива против Израел по инцидентот во врска со тригодишната поморска блокада на појасот Газа. Израелските командоси на 31 мај упаднаа на трускито брод „Мар Мармара“ кој беше дел од хуманитарниот конвој за Газа, при што беа убиени девет лица. Откако Генералниот секретар на ОН, Бан Ки-мун понуди меѓународа истрага во која ќе учествуваат израелската и турската страна со посредство на претставници на ОН и САД, премиерот Бенјамин Нетанјаху ја одби таквата можност. Но Тел Авив се консултира со Вашингтон како да ја спроведе сопствената истрага.