Свет
Холандија го менува правецот

Очекуваното веројатно ќе се оствари – на изборите во Холандија, се наѕира победа на десно-либералната партија ВВД на Марк Руте. Според досегашните податоци, ВВД освоила 31 мандат од вкупно 150 места во парламентот
Зад ВВД, следуваат социјалдемократите со 30 освоени места, а трета политичка сила во земјата е партијата на десниот популист Герт Вилдерс, кој бројот на освоени мандати го зголеми од девет на дури 24. Герт Вилдерс најавува со учество во владата и со триумф вели: „Поголема безбедност, помалку криминал, помалку доселеници, помалку ислам – тоа е она што го избра Холандија“, пренесува Дојче веле.Најголем губитник на изборите се христијанските демократи, кои со 21 освоен мандат се најдоа на четвртата позиција. „Избирачите го кажаа своето“, изјави досегашниот премиер Јан Петер Балкененде, кој ја водеше владата на Холандија цели осум години. Балкененде како последица на лошите изборни резултати најави дека се откажува од местото лидер на партијата и дека нема да ја прифати пратеничката функција.Официјалните резултати од изборите се очекуваат во наредните два дена. Но, веќе сега се знае дека составувањето влада ќе биде тешко. На Руте, за да има мозинство во парламентот, му се потребни најмалку тројца коалициони партнери. Коалиција со социјалдемократите, поради различните претстави околу заголемувањето на даноците и штедењето, не би била многу стабилна и би барала големи компромиси. Либералите си зедоа за задача стриктно штедење, за разлика од социјалдемократите кои се за побавни и помалку болни кратења со кои треба да се поправи буџетскиот дефицит.Инаку, големата коалиција на Јан Петер Балкененде, составена од демохристијани и социјалдемократи, се распадна годинава во февруари, оти коалиционите партнери не можеа да се договорат за мисијата на холандските војници во Авганистан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија и Украина утре ќе разменат 175 воени заробеници

Русија и Украина утре ќе разменат 175 воени заробеници од двете страни, изјави претседателот Владимир Путин за време на телефонскиот разговор со неговиот американски колега Доналд Трамп.
-Путин објави дека на 19 март руската и украинската страна ќе разменат по 175 затвореници, се вели во соопштението на Кремљ.
Белата куќа, од своја страна, објави дека Трамп и Путин се договориле за 30-дневен прекин на огнот во енергетскиот и инфраструктурниот сектор на Украина и дека преговорите за ставање крај на конфликтот ќе започнат „веднаш“.
Тие разговори ќе бидат на Блискиот Исток, соопшти Белата куќа, пофалувајќи ги „огромните придобивки од подобрените односи“ меѓу САД и Русија
Свет
Трамп: Со Путин е договорен прекин на огнот за енергетските и инфраструктурните објекти

Американскиот претседател Доналд Трамп изјави дека во денешниот телефонски разговор со неговиот руски колега Владимир Путин се договорил за итен прекин на огнот меѓу Русија и Украина во сите енергетски и инфраструктурни објекти.
„Се согласивме на итен прекин на огнот на сите енергетски и инфраструктурни објекти, со разбирање дека ќе работиме брзо за да постигнеме целосен прекин на огнот и, на крајот, да ставиме крај на оваа многу страшна војна меѓу Русија и Украина. Оваа војна никогаш немаше да започне ако јас бев претседател“, рече Трамп на Truth Social.
Тој додаде дека имал „многу добар и продуктивен“ разговор со Путин и дека разговарале за „многу елементи од мировниот договор, вклучувајќи го и фактот дека илјадници војници умираат“.
„Тој процес сега е во полна сила и ефект, и се надеваме, заради човештвото, дека ќе ја завршиме работата“, рече Трамп.
Свет
Гутереш ги повика Израел и Хамас целосно да го почитуваат прекинот на огнот во Газа

Генералниот секретар на Обединетите нации Антонио Гутереш денеска ги повика Израел и палестинската милитантна група Хамас целосно да го почитуваат прекинот на огнот во Појасот Газа.
Тој рече дека Палестинците во Појасот Газа се подложени на „неподносливо страдање“ додека израелските напади продолжуваат немилосрдно.
Гутереш им рече на новинарите во Женева дека улогата на ОН е меѓународната заедница да изврши притисок врз Израел и Хамас целосно да го почитуваат прекинот на огнот во Појасот Газа, пренесе Ал Џезира.
Министерството за здравство на Хамас објави дека повеќе од 400 луѓе, главно палестински деца и жени, биле убиени во текот на ноќта во израелските напади врз Појасот Газа.