Свет
Русија и земјите од екс СССР не исклучуваат интервенција во Кргистан
Сојузот поранешни советски републики предводен од Русија не ја исклучува можноста од воена интервенција во нестабилниот Киргистан каде четири дена беснеат меѓуетнички судири во кои официјално се убиени најмалку 138 лица, пренесуваат руските медиуми
Во понеделник доцна попладне во Москва се одржа итниот состанок на Организацијата на договорот за колективна безбедност (ОДКБ) било заклучено дека „не се исклучува можноста за применување на сите расположливи средства со кои располага сојузот, а станува збор за можна интервенција во Киргистан, чија цел е запирање на настанатата ситуација“, изјавил претседателот на Советот на организацијата, Николј Патрушев.„Разговаравме за мерките кои ќе ги изнесеме пред претседателите на државите членки на организацијата чија членка е и Киргистан“, изјавил Патрушев по сотанокот на кој Киргистан бил претставуван од Замирбек Мамбетжусунов. Состанокот на ОДКБ бил свикан на иницијатива на рускиот претседател Дмитриј Медведев. „Ситуацијата во Киргистан не може да се толерира, луѓето умираат и се пролева крв во етнички судири. Тоа за регионот е многу тешка ситуација и затоа ќе направме се’ што можеме за да ја спречиме таквата состојба’, изјавил Медведев. Во Организација за колективна безбедност покрај Русија и Киргистан се и Ерменија, Белорусија, Таџикистан, Казахстан и Узбекистан, и тие имаат формирано заедницчки сили за брзи интервенции и кризни ситуации. Западни аналитичари овој сојуз го сметаат за своевиден централно азиски пандан на НАТО преку кој Русија сака да си оствари влијание во регионот. Минатиот петок рускиот претседател го одби писмениот апел од привремената киргистанска претседателка Роза Отунбаева Москва воено да интервенира во смирувањето на распалените меѓуетнички судири од четвртокот навечер во кои , според киргистански болнички извори регистрирани се 138 смртно настрадани, а бројката ранети е поголема од 1500. „ОДКБ на Киргистан ќе и’ отстапи авијација, техника и воени транспортери за стабилизација на нејзините јужни области“, изјавил по состанокот секретарот организацијата од Киргистан, Алик Орозов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Саливан: САД нема на располагање ниту еден „Патриот“ систем за противвоздушна одбрана што би можел да го достави до Киев
Советникот за национална безбедност на американскиот претседател, Џејк Саливан, рече дека Вашингтон во моментов нема достапни системи за противвоздушна одбрана „Патриот“ што би можел да му ги достави на Киев.
„Американските системи „патриот“ се распоредени низ целиот свет, вклучително и на Блискиот Исток, за да ја заштитат американската војска. Доколку има можност да се ослободи батерија, ќе ја испратиме во Украина“, рече тој, а пренесе телевизијата „Ем-ес-ен-бси“.
Истовремено, Саливан додаде дека Америка, додека не дојде во ситуација да испрати свои „патриотски“ системи во Украина, ќе работи да ги убеди своите сојузници од Европа да ги испратат своите системи за противвоздушна одбрана.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.