Свет
Бомбаш загина при обид за напад во Грозни
Бомбаш-самоубиец се разнел во среда пред концертна сала во Грозни кога полицаец се обидел да го задржи, изјавил пред новинарите претседателот на Чеченија, Рамзан Кадиров
Чеченскиот претседател Рамзан Кадиров веднаш по нападот изјави дека полицаецот спречил да дојде до поголеми жртви, освен ранетите тројца негови колеги и двајца цивили, пренесе агенцијата РИА Новости. Прашан дали можеби тој бил зел на нападот, бидејќи се очекувало негово присуство на концертот, Кадиров рекол: „Не знаеме што имал намера тој (сторителот), но рускиот припадник на Министерството за внатрешни работи се покажа смел, при што тој самито се разнесе“.„Уште еднаш еден зол човек, ние ги нарекуваме шејтани (ѓаволи), се обиде да расипе голем празник. Но фала му на Возвишениот, за будноста на нашите соработници кои го спречиај нападот“, изјавил чеченскиот претседател. Кадиров притоа додал дека бомбата немала голема моќност.„Тоа не беше трористички напад, тоа беше ензначителна експлозија, дури ниеден прозорец во зградат не е скршен, што укажуива дека експлзоијата биал мала“, рекол претседателот.Тој на новинарите им кажал дека ниедно лице кое веќе било во салата не заминало од концерот. Чеченскиот претседател уверува дека полицајата и војската вршат секојдневни активности против екстремистите и терористите. „Тие (милитанти) седат во пештерите, но и оние кои излегуваат надвор од дупките, ние ги уништуваме, а тие избраа на овој начин да покажат дека божем во Чеченија не е безбедно. Ние сме спокојни, во Грозни во сабота ќе се празнува во ќе учествуваат 19 илјади луѓе“, изјавил Кадиров изјави. Чеченскиот претседател додал дека останале само неколку десетини бунтовници.„Секојдневно ги ловиме и ги ликвидираме и затоа ги користат момчињата, како ова, Неговото име е Адем Хамидов, неговиот брат е во горите, тој бил сам дома и беше едно сиромашно дете кое го искористиле за свои цели“, рекол Кадиров.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.