Свет
Либиската хуманитарна помош за Газа пристигна во Египет
Бродот „Надеж“ кој во саботата од Атина под молдавско знаме заплови кон блокираниот појас Газа, пристанал во египетското пристаниште Ал-Ариш, јави Reuters
Бродот „Надеж“ (Амалтеј) во водите пред египетското пристаниште допловил доцна навечер во средата а ноќта ја минал вкотвен во близина на пристаништето, бидејќи чекал дозвола за вкотвување од либискиот нарачател, пренесуваат агенциите повикувајќи се на егиептските медиуми.Претставници на либиската амбасада во Каиро пристигнале во пристаништето Ал-Ариш со цел да ги координираат истоварот и транспортот на хуманитарната помош до Појасот Газа.На бродот има околу две илјди тони храна и лекови кои ќе бидат истоварени и пренесени по копно. Лековите ќе бидат превезени до Појасот Газа преку граничниот премин Рафах, а храната преку другите два премина на границата меѓу Египет и Газа.Бродот е изнајмен од либиската фондација „Гадафи“, предводена од синот на Моамер Гадафи, Сеиф ал Ислам Гадафи. На него, освен екипажот се наоѓаат и девет пропалестински активисти, меѓу кои шест Либијци, Алжирец, Мароканец и Нигериец.Претходните денови од организацијата до руската агенција РИА Новости испратија електронска поштоа во која беше наведено дека доколку не биде можно пристанување во Газа, капетанот ќе го пренасочи бродот кон египетското пристаниште Ел-Ариш.На бродот има 12 членови на екипажот и повеќе десетици хуманитарни активисти, пишува Reuters. Според агенцијата, капетанот на бродот е истиот на чиј брод „Мар Марамара“ загинаа девет лица а повеќемина беа тешко ранети по интервенција на командоси од израелската воена морнарица на 31 мај.Постојат две опции за крајната дестинација на обој брод. Едната е повторно да се обиде да ја мине ослабената блокада и да тргне директно кон брегот во секторот на Газа или, пак да пристане во египетското пристанише Ел-Ариш.Портпаролот на грчкото министерство за надворешни работи во неделата изјави дека бродот се упатил кон Ел-Ариш.„Брод замина од пристаништето во насока на појасот Газа. Но, ако биде спречен да доплови до брегот, ќе се пренасочи кон пристаништето во Ел Ариш во Египет“, изјави за Reuters претставник на компанијата сопственик на бродот ACA Shipping.Претходно, на 6 јули, претставник на палестинските исламсти Исмаил Рaдуан изјави дека владејачкото во Појасот Газа, палестинско движење Хамас инсистира на целосното повлекување на израелската блокада врз енклавата, и не е согласно со нејзиното попуштање кое на 5-ти јули го објавија израелските власти. Тел Авив имено најави дека ќе ја прошири листата на стоки кои ќе може да се внесуваат во Газа, а исто така вети дека „нема да биде потребна специјална согласност“ за да се внесуваат стоки кои беа досега вклучени на листата. Ревизијата на санкциите дојде по меѓународниот притисок што следеше по инцидентот со шест странски бродови кои пловеа кон Газа со товар од хуманитарна помош а беа спречени од израелската морнарица.Тогаш покрај деветте жртви, десетици беа повредени а стотици беа затворени меѓу кои и тројца македонски државјани.Израелските власти објаснуваат дека укинувањето на ограничувањата за увоз на цивилни стоки во појасот Газа, е потребата да се рехабилитира режимот на блокадата во рамките на контролата за внесување воени материјали. Паралелно со проширувањето на производите кои се дозволени за увоз во Газа, израелската страна вети дека неколкупати ќе се зголеми обемот на прекуграничен проток на стоки.Пловидбата на бродот „Надеж“ е нов обид за кратко време да се пробие израелската поморска блокада, односно по онаа од 31 мај и од 5-ти јули кога беше запрен и товарниот брод „Рејчел Кори“ кој исплови од Ирска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.