Свет
Израел го тестираше противракетниот штит
Израелскиот систем за соборување ракети успешно ја минал последната проверка и ќе биде разместен во пограничните појаси до ноември годинава, сооопшти во понеделник министерството за одбрана
Како што пренесува Reuters, системот кој е наречен „Челична купола“ бил тестиран минатата седмица и првпат досега соборил истовремно повеќе ракети, соопштило израелското министерство за одбрана.„Системот за пресренување Челична купола ( Iron Dome) во синхронизација со воздушните сили и системот на противвоздушна одбрана, кога ќе стане оперативен, ќе спречува голем број закани“, го цитира агенцијата соопштението.Frence Presse за истата информација додава дека израелската одбрана најавила дека во ноември 2010 г. оперативни ќе станат две единици од овој систем, по што брзо ќе бидат нарачани и други.Американскиот претседател Барак Обама во мај годинава побара од Конгресот 205 милиони долари финансиска поддршка на развојот на „Челичната купола“ чија цел се ракетите со кус дострел кои врз израелска територија се истрелуваат од страна на палестинските милитанти во Појасот Газа и од припадниците на милитантното исламско движење Хезболах од територијата на соседен Либан.Израелскиот министер за одбрана, Ехуд Барак, оправдувајќи го проектот, тврди дека овој противракетен штит ќе ги увери Израелците во нивната безбедност, во случај во мировните преговори со Палестинците да биде договорено повлекување од окупираните територии на Западниот брег. На исто мнение се и САД. Претставникот на Стејт департмент, Ендрју Шапиро, во изјава од минатата седмица рече дека американската поддршка за проектот „Челична купола“ е мотивирана од тоа што се смета дека овој систем „ќе му обезбеди на Израел способности и сигурност за да се преземат тешки одлуки кои ќе доведат до сеопфатен мир.” Произведениот од државната компанија Rafael Advanced Defense Systems Ltd. , анти-ракетен штии користи мали радарски наведувани проектили истрелани од ракетниот систем Катјуша со дострел од пет до 70 километри. Неговиот развој беше поттикнат од конфликтот во 2006 г. со Хезболах кој дејствуваше од Либан и војната Појасот Газа војна против Хамас пред 18 месеци, кога израелски градови во пограничните појаси останаа без одбрана од ракетите, пишува израелскиот онлајн весник Haaretz, во чија информација се додава дека била емитувана снимка од фунцкионирањето на системот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.