Заедно со шестмината американски војници убиени на југот од Авганистан во последните два дена, бројката загинати американски војници во јули се зголеми на 66, со што стана најсмртоносниот месец од почетокот на инвазијата во 2001 г.

Оваа бројка ја потврди командата на НАТО во Кабул, а како што пренесе CNN, во извештајот се нагласува дека како и во примерот на последните шест случаи на загинување на американски војници која петмина загинаа од импровизирани експлозивни направи поставени крај пат, тоа е причината за најголемиот број смртни случаи во Авганистан.Покрај убиените 66 американски војници, во јули во Авганистан се убиени уште 22 војници од другите национални контигенти од НАТО пактот кои учествуваа во мисијата ИСАФ, со што вкупните загуби на меѓународната коалиција изнесува 88 загинати војници. Како што коментира телевизијата, најновиот црн рекорден биланс од Авганистан доаѓа во многу незгоден момент за администрацијата на американскиот претседател Барак Обама кога расте незадоволството на американските граѓани од неговата стратегија за Авганистан, кога беа објавени 91 илјада тајни воени документи и смената на донеодамнешниот командант на силите на САД и НАТО во Авганистан, генералот Стенли Меккристал.Коалициските сили кои годинава беа засилени до 30 илјади американски војници го засилија притисокот врз талибаите, на што тие одговараат со повеќе напади врз американските и авганистанските војници и ја проширија зоната на своите смртоносни самоубиствени напади во кои страдаат и Авганистанци кои политички дејствуваат. Последен пример за тоа беше нападот на куќата на кандидатот за пратени во Кандахар во петокот, соопшти командата на ИСАФ. Вчера, бунтовниците во целата земја убија 13 цивили кои имале некакви врски со воените сили или со политичкиот процес во Авганистан.