Кинеските богаташи најверојатно кријат од властите преку 9,3 трилиони реминби (1,4 трилиони долари), што е еднакво на една третина бруто националниот приход, пишува во петок Associated Press

Во извештајот на економскиот институт „Фондација за кинески реформи“, спонзориран од банката „Кредит Суис“, се посочува и на загрижувачкиот факт дека јазот  помеѓу богатите и сиромашните во оваа земја е многу поширок отколку што покажуваат официјалните бројки.Во извештајот е направен обид да се пресметаат вистинските заработувачки врз основа на потрошувачките навики на околу 4.000 домаќинства. Целта е да се дојде до конкретни бројки за „сивите приходи“ кои ја поттикнуваат корупцијата.Извештајот тврди дека просечната урбана заработувачка е, всушност, околу 32.000 јуани (4.700 долари) или речиси двојно повеќе од официјалните податоци.„Сивите приходи“ може да дојдат од разни извори, каско што помош при одобрување на проекти, манипулација на берзата, купопродажба на земјиште. Бонуси, па дури и свадбени подароци за моќните партиски функционери. Сите тие пари претставуваат голема загуба за државата во неплатени даноци.Во истражувањето е користена невообичаена методологија за прибирање на податоците, бидејќи  се претпоставило дека семејствата со високи приходи нема да бидат искрени при давањето на податоци за своите скриени заработки. Истражувачите ги контактирале нивните семејства,  пријатели и колеги и собирала податоци за нивните навики на трошење пари, од примерок од 4.000 домаќинства, во 64 градови и 19 провинции. Истражувачите потоа ги обработувале податоците користејќи економски формули за да го проектираат годишниот приход од потрошените суми.Околу 62 проценти од скриената заработувачка е во рацете на најбогатите 10 проценти. Заедно, врвните 20 проценти од општеството контролираат околу 80 проценти од, често пати, нелегалните приходи.Во извештајот е исто така пресметано дека просечната заработувачка по човек меѓу најбогатите 10 проценти е 65 пати поголема од онаа на најсиромашните 10 проценти. Официјалната статистика тврди дека таа разлика е 23 пати.Кинеските лидери покажуваат се поголема загриженост за диспаритетот во заработувачката, стравувајќи од социјални немири к0и можат да го загрозат 60-годишното владеење на Комунистичката партија.