Свет
Јапонија се извини за жртвите во Втората светска војна
Јапонија во недела ја одбележа 65-годишнината од завршувањето на Втората светска војна со комеморација за 3,1 милион војници и цивили кои загинаа во таа војна и со извинување до сите жртви на јапонската армија
На главната церемонија во Токио, премиерот на Јапонија Наото Кан и се извини на Јужна Кореја за воените злосторства извршени од јапонската армија во текот на Втората светска војна, но овој пат им се извини и на сите азиски народи.„На многу народи и нации им предизвикавме огромна штета и страдање во текот на таа војна, особено на оние од Азија. Чувствуваме длабоко жалење и на сите оние кои страдаа и на нивните семејства им го нудиме нашето најискрено сочувство“, изјави премиерот Кан на церемонијата во светилиштето на ридот Будокан, на која присуствуваа околу 6.000 луѓе, вклучувајќи го и императорот Акихито.Се очекува дека во текот на денот преку 100 илјади луѓе ќе го посетат меморијалниот храм Јасукуни во Токио, кој им е посветен на јапонските воини. На списокот на воините се и имињата на неколкумина јапонски воени злосторници, што предизвикува бес кај останатите азиски народи.Од таа причина, премиерот Кан изјави дека ниту тој, ниту, пак, некој од неговите министри ќе го посети храмот, што до сега беше редовна пракса и редовно предизвикуваше демонстрации ширум Азија.Втората светска војна во Азија заврши на 15 август 1945 година, кога тогашниот јапонски император Хирохито , во едно од многу ретките појавувања во јавноста објави дека Јапонија ги прифатила условите за капитулација. Самата капитулација службено е потпишана на 2 септември на американскиот воен брод „Мисури“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.