Свет
Киднапиран и убиен градоначалник на Мексико

Мексиканските безбедносни сили во средата го пронашле телото градоначалникот на градот Сантјаго во северната држава Нуево Леон, кој како што сомневаат властите бил киндапиран од локалните банди
Како што пишува мексиканскиот дневен весник Norte во среда, врзаното тело на градоначалникот Еделмиро Кавазос било пронајдено во предградие на градот Монтереј, административниот центар на сојузната држава Нуево Леон. Два дена претходно Кавазос бил одведен од неговиот дом од група вооружени мажи, пренесува Associated Press. Сојузната мексиканска држава Нуево Леон се наоѓа во северниот пограничен појас со САД, и се смета за една од мексиканските држави со најголема стапка на насилство заради војната меѓу бандите за контрола врз шверцерските канали. Не ретки се и нападите на бандите и врз приапдници на полицијата и војската, но затоа досега изостануваа напади против политичари. На крајот од јуни од заседа беше убиен 46-годишниот Родолфо Торе Канту и неговите четири соработници од Институционалната револуционерна партија (PRI), популарен кандидат за гувернер на северната мексиканска држава Тамаулипас. Тоа дотогаш беше најбруталниот случај на политичко заплашување во војната за превласт врз илегалниот пазар на дроги. Убиството на Торе беше прво политичко убиство на толку високо ниво од 1994 г. Во Мексико се засилува страхувањето дека земјата ќе се претвори во Колумбија од крајот на 1990-те кога тамошните наркоакртели ги убиваа претседателските кандидати и подметнуваа експлозии во зградите на владините институции. Откако во 2006 г. на власт дојде Фелипе Калдерон, тој им објави војна на организираниот криминал и нарко мафијата, во која за три години се загинати околу 28 илјади луѓе. Меѓутоа, имајќи ја предвид раширената корупција меѓу владините и полициските службеници, тој беше принуден да ја ангажира и војската, која во борбата против картелит еуечствива со 50 илјади свои припадници од разни родови. Според оцените на експертите, секоја година преку Мексико во САД, Европа и Азија се пренесуваат наркотици во вредност од повеќе од 40 милијарди долари. Гоелмата заработка и близината на богатиот американски пазар се причината за крвавите судири мешу нарко картелите кои сакаат да имаат превласт врз шверцерските канали.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Германскиот канцелар Мерц: Путин мора сериозно да ја сфати понудата за дијалог

Германскиот канцелар Фридрих Мерц изјави дека Русија има „можност да се согласи на прекин на огнот и да ги прекине непријателствата“ по виртуелната средба со украинскиот претседател Володимир Зеленски во средата.
Мерц ги истакна очекувањата на Европа пред потенцијалните мировни преговори.
We stood as one as we conveyed these clear messages to President Trump before he set off for Anchorage. I remain in contact with him. President Trump can now accomplish an important step towards peace. 5/6
— Bundeskanzler Friedrich Merz (@bundeskanzler) August 15, 2025
„Очекуваме претседателот Путин сериозно да ја сфати понудата за дијалог на претседателот Трамп и по средбата на Алјаска, да почне безусловни преговори со Украина“, рече тој.
фото: принтскрин
Свет
Поранешен шеф на МИ6: Ако има денеска мировен договор, тоа е многу лоша вест за Украина

Поранешниот шеф на британската разузнавачка служба МИ6, сер Џон Соерс, предупреди дека мировниот договор постигнат денес на Алјаска, веројатно, би претставувал лоша вест за Украина, пишува „Скај њуз“.
Во разговорот тој го разјасни својот став. „Не очекувам од овој состанок да произлезе јасен мировен план. Ако го има, тоа е многу лоша вест за Украина бидејќи ако Путин успее да го заклучи претседателот Трамп во позиција што е блиска до рускиот концепт за завршување на војната, Украина во суштина би можела да биде потчинета на контролата на Кремљ“, рече тој.
Соерс верува дека луѓето со право се скептични кон рускиот претседател Владимир Путин, но истакнува дека денешната средба на Алјаска сè уште нуди одредена можност.
„Секој обид за завршување на војната мислам дека е добредојден и тука има можност. Колку и да сум скептичен кон Путин, постои можност да се почне процес што би можел да доведе до крај на овој конфликт“, заклучи поранешниот шеф на МИ6.
Свет
(Видео) Лавров пристигна на Алјаска облечен во џемпер со натпис „СССР“

Рускиот министер за надворешни работи Сергеј Лавров изјави дека Москва ќе му претстави јасна и разбирлива позиција на американскиот претседател Доналд Трамп на неговиот самит со рускиот претседател, Владимир Путин.
Тој кусо разговараше со новинарите во четвртокот по пристигнувањето во хотел во Анкориџ, облечен во џемпер со натпис „CCCP“.
Lavrov has arrived for the meeting in a shirt that says СССР (USSR). https://t.co/D5yrC2MFhD pic.twitter.com/h5HYuvTrob
— Anton Gerashchenko (@Gerashchenko_en) August 15, 2025
Лавров истакна дека многу е постигнато за време на неодамнешната посета на американскиот специјален претставник Стив Виткоф на Москва и дека Кремљ се надева оти ќе го продолжи корисниот разговор на самитот в петок.
„Никогаш не правиме планови однапред. Знаеме дека имаме аргументи, јасна и разбирлива позиција. Ќе го презентираме тоа“, рече Лавров.
„Многу е веќе постигнато за време на посетата на американскиот специјален претставник Виткоф… Се надевам дека утре ќе го продолжиме овој корисен разговор“.