Свет
Иран не бега од преговори со западот
Иран е подготвен веднаш да почне да преговара со западните сили за размената на нуклеарно гориво, изјавил иранскиот претседател Махмуд Ахмединеџад за јапонскиот весник Јомиури Шимбун
„Иран е подготвен до крајот на август или почетокот на септември да ги продолжи преговорите со Групата Шест во која спаѓаат САД, Русија, Велика Британија, Кина, Франција и Германија“, изјави Ахмадинеџад по повод набавките на гориво за реактор за медицински истражувања во Техеран.Како што пренесува агенцијата Kyodo, иранскиот претседател најавил дека во случај на договор со западните сили, Техеран може да го суспендира збогатувањето на ураниумот.„Ветивме дека ќе го запреме збогатувањето на ураниумот до 20 отсто доколу биде обезбедена набавка на гориво. Иако имаме право да го збогатуваме ураниумот, Иран никогаш не предизвикал војна и не сакал да прави атомска бомба“, рекол Ахмадинеџад.Западните сили предводени од САД се противат Иран да го збогатува ураниумот до 20 отсто и се сомневаат дека земјата сака да произведува нуклеарно оружје. Техеран го демантираше овој став тврдејќи дека неговата нуклеарна програма е насочена само кон производство на електрична енергија.Во мај, Иран се договори со Бразил и Турција да размени 1.200 килограми слабо збогатен ураниум (до 3,5 отсто) за 120 килограми гориво збогатено до 20 отсто за потребите на нуклеарниот реактор за медицински истражувања во Техеран.Западните сили не ја земаа во предвид оваа иницијатива и во јуни гласаа за воведување на нови санкции за Иран.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.
Свет
Саливан: САД нема на располагање ниту еден „Патриот“ систем за противвоздушна одбрана што би можел да го достави до Киев
Советникот за национална безбедност на американскиот претседател, Џејк Саливан, рече дека Вашингтон во моментов нема достапни системи за противвоздушна одбрана „Патриот“ што би можел да му ги достави на Киев.
„Американските системи „патриот“ се распоредени низ целиот свет, вклучително и на Блискиот Исток, за да ја заштитат американската војска. Доколку има можност да се ослободи батерија, ќе ја испратиме во Украина“, рече тој, а пренесе телевизијата „Ем-ес-ен-бси“.
Истовремено, Саливан додаде дека Америка, додека не дојде во ситуација да испрати свои „патриотски“ системи во Украина, ќе работи да ги убеди своите сојузници од Европа да ги испратат своите системи за противвоздушна одбрана.