Свет
Сајбер војна меѓу Вашингтон и Пекинг

САД првпат предупреди дека кинеската војска користи експерти за тајни сајбер напади на компјутерите на американските компании и државната агенција
Пентагон во извештајот објавен оваа недела исто така наведува дека кинеската армија користи посебни единици за развивање на компјутерските вируси, кои ги напаѓаат непријателските системи и мрежи, пренесува агенцијата Associated Press.Пентагон наведува дека постојат и многу тешкотии во разбивањето на сајбер шпионажата, како и дека понекогаш е многу тешко да се докаже дека тие напади доаѓаат од Кина.Поранешниот шеф за безбедност рекол дека позади тие сајбер напади стои кинеската влада, како и дека постојат хакери во Кина кои не се поврзани ни со војската, ни со владата, но исто така ги напаѓаат американските компании и агенции.Кинеските власти предупредија дека новиот извештај на Пентагон би можел подлабоко да ги наруши односите на двете земји, но директно не ги споменале темите за сајбер нападите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски се огласи неколку часа пред разговорот меѓу Путин и Трамп

Во пресрет на денешниот телефонски разговор меѓу Путин и Трамп, украинскиот претседател Володимир Зеленски рече дека „Путин продолжува да ја одложува оваа војна“.
„Веќе една недела Путин не може да каже „да“ на предлогот за прекин на огнот“, рече Зеленски. Зеленски додаде дека американскиот предлог за 30-дневен прекин на огнот „се залага за спасување животи, дозволувајќи им на дипломатите да работат на обезбедување безбедност и траен мир – предлог што Русија го игнорира“.
„Секој ден од војната е прашање на човечки животи“, напиша Зеленски на социјалната мрежа Х, повикувајќи на притисок врз Москва да ја прекине војната.
Регион
Снаата на убиените во Чачак повикала полиција: пожарникарите влегле во станот низ прозорецот

Јован (77) и Милица (72) Баковиќ синоќа околу 22 часот се убиени во семејниот стан во Чачак.
За убиството е осомничен нивниот син Михајло, а како што дознаваат медиумите, неговата сопруга повикала полиција.
„Беа прекрасни луѓе, синот им доаѓаше секој ден, не разбираме што можеше да се случи. Слушнав дека на Михајло му се слошило, но не знам за што се работи. Синоќа му се јавила сопругата, тој не одговорил. Ниту тие не се јавиле, па таа дошла во станот. Таа тропнала на вратата, но никој не одговорил, не знаела што се случило и ја повикала полицијата, која ги пронашол телата во станот“, изјавил соседот за медиумите.
Убиениот Јован бил лекар во пензија, според написите.
Припадници на МВР во Чачак го приведоа М. Б. (41) од Чачак поради сомнение дека сторил кривично дело тешко убиство.
Како што беше дополнително соопштено, тој е осомничен за кривично дело тешко убиство и се сомничи дека со остар предмет ги убил родителите. По наредба на Вишото јавно обвинителство во Чачак, одредена му е мерка притвор до 48 часа, во кој рок со поднесување кривична пријава ќе биде изведен на распит во Обвинителството.
Свет
Папата Франциско: Болеста ми помогна појасно да ја видам апсурдноста на војната

Папата Франциско, кој беше хоспитализиран поради пневмонија, преку писмо повика на прекин на војните и на дипломатски решенија за конфликтите.
Во писмото до весникот „Кориере дела сера“ папата рече дека неговата долга болест му помогнала да му стане уште појасна апсурдноста на војната и го обновил својот повик до дипломатијата и меѓународните организации да најдат нова виталност и кредибилитет.
Папата укажа и на важноста на зборовите велејќи дека „мора да ги разоружаме зборовите, да ги разоружаме умовите и да ја разоружаме Земјата“. Претходно денеска, Бакингемската палата потврди дека кралот Чарлс ќе се сретне со папата Франциско меѓу 7 и 10 април и покрај болеста на католичкиот водач.
Папата (88) беше примен во римската болница „Гемели“ на 14 февруари со тешка респираторна инфекција и оттогаш не е виден во јавноста, пренесува „Танјуг“.