Свет
Почна полнењето на реакторот во Бушер

Операцијата на полнење со гориво на реакторот на првата иранска нуклеарна централа во Бушер почнало во сабота наутро, соопштија иранската агенција а атомска енергија и руската компанија Росатом
„Операцијата на пренесување на нуклераното гориво во реакторот е направено на 21 август во присуство на помошникот на претседателот Али Акбар Салехи, шеф на Иранската агенција за атомска енергија и Сергеј Киријенко, шеф на руската нуклеарна агенција Росатом“ се вели во соопштението кои го пренесуваат агенциите.Со оваа операција што е првата фаза од полнењето на реакторот, нуклеарната централа во Бушер и официјално стана нуклеарна постројка. Полнењето кое се одвива под надзор на Меѓународната агенција за атомаsка енергија (IAEA), е предвидено да трае две седмици и д заврши до 5 септември. Пота е бидат потребни уште два месеца за да реакторот достигне 50 отсто од својата сила. Така, оваа иранска нуклеарна централа чија моќ е околу илјада мгв, кон крајот ан октомври или ноември треба да биде споена на иранската електрична мрежа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски се огласи неколку часа пред разговорот меѓу Путин и Трамп

Во пресрет на денешниот телефонски разговор меѓу Путин и Трамп, украинскиот претседател Володимир Зеленски рече дека „Путин продолжува да ја одложува оваа војна“.
„Веќе една недела Путин не може да каже „да“ на предлогот за прекин на огнот“, рече Зеленски. Зеленски додаде дека американскиот предлог за 30-дневен прекин на огнот „се залага за спасување животи, дозволувајќи им на дипломатите да работат на обезбедување безбедност и траен мир – предлог што Русија го игнорира“.
„Секој ден од војната е прашање на човечки животи“, напиша Зеленски на социјалната мрежа Х, повикувајќи на притисок врз Москва да ја прекине војната.
Регион
Снаата на убиените во Чачак повикала полиција: пожарникарите влегле во станот низ прозорецот

Јован (77) и Милица (72) Баковиќ синоќа околу 22 часот се убиени во семејниот стан во Чачак.
За убиството е осомничен нивниот син Михајло, а како што дознаваат медиумите, неговата сопруга повикала полиција.
„Беа прекрасни луѓе, синот им доаѓаше секој ден, не разбираме што можеше да се случи. Слушнав дека на Михајло му се слошило, но не знам за што се работи. Синоќа му се јавила сопругата, тој не одговорил. Ниту тие не се јавиле, па таа дошла во станот. Таа тропнала на вратата, но никој не одговорил, не знаела што се случило и ја повикала полицијата, која ги пронашол телата во станот“, изјавил соседот за медиумите.
Убиениот Јован бил лекар во пензија, според написите.
Припадници на МВР во Чачак го приведоа М. Б. (41) од Чачак поради сомнение дека сторил кривично дело тешко убиство.
Како што беше дополнително соопштено, тој е осомничен за кривично дело тешко убиство и се сомничи дека со остар предмет ги убил родителите. По наредба на Вишото јавно обвинителство во Чачак, одредена му е мерка притвор до 48 часа, во кој рок со поднесување кривична пријава ќе биде изведен на распит во Обвинителството.
Свет
Папата Франциско: Болеста ми помогна појасно да ја видам апсурдноста на војната

Папата Франциско, кој беше хоспитализиран поради пневмонија, преку писмо повика на прекин на војните и на дипломатски решенија за конфликтите.
Во писмото до весникот „Кориере дела сера“ папата рече дека неговата долга болест му помогнала да му стане уште појасна апсурдноста на војната и го обновил својот повик до дипломатијата и меѓународните организации да најдат нова виталност и кредибилитет.
Папата укажа и на важноста на зборовите велејќи дека „мора да ги разоружаме зборовите, да ги разоружаме умовите и да ја разоружаме Земјата“. Претходно денеска, Бакингемската палата потврди дека кралот Чарлс ќе се сретне со папата Франциско меѓу 7 и 10 април и покрај болеста на католичкиот водач.
Папата (88) беше примен во римската болница „Гемели“ на 14 февруари со тешка респираторна инфекција и оттогаш не е виден во јавноста, пренесува „Танјуг“.