Свет
Приведен рускиот опозициски лидер Немцов

Московската полиција соопшти дека го привела опозицискиот лидер Борис Немцов и уште едно лице опозициски активист кога се обиделе демонстрантите да ги поведат на марши низ руската престолнина, за што како што тврдат градските власти немале дозвола
Како што рекол за агенцијата Интерфакс, Виктор Бирјуков, раководител на секторот за информирање при мсоковската полиција, митингот по повод Денот на руското знаме кој се одржувал на Новинскиот булевар и улицата Нов Арбат минал без ексцеси, но по неговото завршување Борис Немцов и Михаил Шнајдер ги повикале демонстрантите на марш по буеварот за што немале пријава и соодветно одобрение. Немцов ја предводел колоната од стотина опозициски активисти кои имале намера да прошетаат низ центарот на Москва, носејќи огромно руско знаме, но полицијата ги сопрела и ги растерала насобраните лица, откако претходно ги повикала дека со маршот прават нелегална акција.Руските медиуми пренсуваат изјава на припадник на московската полиција кој има впчечаток дека Немцов и Шнајдер намерно ја смислиле оваа провокација затоа што многу лесно и без какво и да е противење го послушале полицаецот при нвиното придведување. Тој смета дека Немцов највероајтно со ова приведување сака да го избегне своето присуство на протестот во зашитат на Химинската шума кој во попладневнит ечачсови започна на Пушкиновиот плоштад во Москва.Самиот Немцов во телефонски разговор за агенцијата РИА Новости изјавил дека е приведен за органзиација на непријавен протест, но дека точната форумулација ќе ја знае откако ќе бид составен полицискиот протокол. Денешниот ден во Русија се одбележува како Ден на знамето во чест на тробојното знаме кое Русија го усвои по распадот на Советскиот сојуз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Пожар во затвор во Сплит, неколку затвореници хоспитализирани

Неколку затвореници се повредени во пожарот во сплитскиот затвор Билице, кој е изгаснат, соопшти денес Сплитскиот противпожарен оперативен центар.
Како што е наведено, затворскиот персонал го изгаснал пожарот што избувнал синоќа, а пожарникарите ги евакуирале затворениците, од кои неколку побарале медицинска помош поради вдишување чад и биле пренесени во сплитската болница.
„Добивме дојава за пожар во една од ќелиите на затворот околу 21:30 часот, а по пристигнувањето на пожарникарите затворскиот персонал веќе го изгаснал пожарот во најголем дел, а пожарникарите веднаш ги евакуирале затворениците“, изјавиле за Хина од Противпожарниот центар.
Свет
Фицо: Не повикувам на укинување на демократијата, но ЕУ треба да размисли за промена на системот

За време на вчерашната посета на Узбекистан, словачкиот премиер Роберт Фицо посочи дека авторитарните држави можат да бидат економски поефикасни од демократиите и повика на преиспитување на европскиот демократски модел.
Фицо рече дека Европа треба да размисли за реформирање на својот систем на управување базиран на слободни избори за да остане глобално конкурентна. Тој ги пофали земјите како Узбекистан, Кина и Виетнам за нивната способност да дејствуваат порешително по економските прашања.
Кога новинарите го прашаа, Фицо појасни дека не повикува на крај на демократијата, но тврдеше дека вклучувањето премногу политички партии во донесувањето одлуки ја ослабува способноста на државата да дејствува.
„Ако имате сто политички партии, не можете да се натпреварувате“, рече тој.
„Ако владата се состои од четири политички субјекти, не можете да се натпреварувате“, додаде тој.
Фицо, кој се врати на власт во 2023 година за да го преземе својот четврти мандат, се соочи со масовни протести во последните месеци, а критичарите го обвинуваат за авторитарни аспирации и водење проруска надворешна политика.
Свет
Орбан: Дипломатите мора да ја преземат контролата од генералите, оваа војна не може да се добие

Унгарскиот премиер Виктор Орбан изјави дека на Украина ѝ е потребно примирје, преговори и мир, како и дека „дипломатите треба да ја преземат контролата од генералите“. На состанокот на парламентарната група „Патриоти за Европа“ во Европскиот парламент, рече дека политичарите кои се залагаат за војна сакаат луѓето да веруваат дека војната мора да продолжи, објави унгарската агенција МТИ.
„Ве уверувам дека оваа војна не може да се добие, нема решение на бојното поле, само мртви, страдање и уништување“, истакна тој. Унгарскиот премиер, исто така, рече дека неговата земја е „црна овца“ на Европската Унија и кошмар за Брисел, додека претставува надеж за европските патриоти.
„Не сакаме Брисел да воведе воена економија под изговор на војна, не сакаме да зема огромни кредити, да ги федерализира парите на земјите-членки и да ги вовлекува нашите земји во трка во вооружување. Ве молам да ги запрете“, им рече Орбан на учесниците на состанокот.
Според него, Брисел ѝ се заканува и ја уценува Унгарија со финансиски санкции затоа што не ги пушта мигрантите во земјата, но Будимпешта попрво ќе им плати отколку да им дозволи на мигрантите да ја уништат безбедноста на унгарските градови и улици. „Се бориме за нашите семејства и татковина, дури и ако треба да се соочиме со целата бирократија на Брисел“, заклучи унгарскиот премиер, пренесува Танјуг.