Филипинските антерористички специјалци во обид за извлекување на зложниците од автобусот го убиле поранешниот полицаец кој во понеделник наутро во филипинската престолнина во заложништво зема туристички автобус на хонконшки туроператор

Како што пренесува РИА Новости, повикувајќи се на филипинските радиостаници, полициски извори соопштиле дека ситуацијата е под нивна контрола. Според непотврдени информации, добиени од возачот на автобусот кој успеал да побегне, има повеќе застрелани и убиени, меѓу нив можеби и заложници од автобусот, од кои тројца најверојатно успеале да ја избегнат престрелката. Потврдено засега е само дека од заталкан куршум во ногата бил застрелан еден тинејџер кој ја набљудувал заложничката драма што се одвиваше во центарот на Манила. Засега нема информации за жртви меѓу командосите кои повеќе часови безуспешно се обидувале да ја отворат вратата од автобусот. Репортерите на филипинските медиуми известуваат дека на местото од настанот имало повеќе од десет амбулантни возила а имало и болнички хеликоптер.. Поранешниот полициски капетан Роландо Мендоза претходно изјавил во телефонски разговор за локална радио станица дека бил принуден да застрела двајца заложнции. Утрово тој вооружен со автоматска пушка и пиштоли во полициска униформа го грабна туристичкиот автобус во центарот на филипинската престолнина со 21 патник. Тој барал да биде вратен во редовите на полицијата, од каде бил отпуштен во јануари 2010 г. откако бил осомничен дека е вмешан во помагање на случај на фалсификување докази и изнуда.По три часа преговори, 55-годишниот Мендоза дозволи автобусот да го напуштат шест лица од кои три беа деца, а еден беше туристичкиот водич и две возрасни лица,  а подоцна ослободи уште три лица. Девет часа по грабнувањето на заложниците заменик-градоначалникот на Манила, Мануел Иско Морено, на Мендоза му предал писмо од претседателот на Државната комисија за разгледување жалби, чија содржина не е објавена. Филипинските медиуми забележуваат дека по ова преговорите не успеале, а грабнувачот двапати предупредувачки стрелал во воздух а преку ради станицата со која бил во врска изјавил дека „знае оти ќе биде убиен“ заканувајќи се дека ќе ги убие заложниците доколку полицајците се доближат до автобусот. Според некои извештаи, причина за неуспехот на преговорите било и приведувањето на братот Мендоза, кој бил активен полицаец а без знаење на властите при учеството во преговорите имал кај себе пиштол.