Свет
И покрај убиството на четири Израелци, преговорите ќе продолжат

Израелски извор во вторник доцна навечер рекол дека и покрај нападот на Западниот брег во кој беа убиени четири Израелци, тоа нема да ги попречи плановите за обновување на директните преговори меѓу израелската влада и претседателот на Палестинската автономија
Како што пренесува германската агенција DPA повикувајќи се на израелскиот портал Ynet, неименуван близок соработник на израелскиот премиер Бенјамин Нетнајаху изјавил дека разговорите ќе продолжат како што било планирано. Меѓутоа, соговорникот на порталот нагласил дека Израел ќе одговори на нападот како и во сите други претходни случаи, што најавува дека уште вечерва може да се очекува одмазничка акција на војската. Во вторникот во пресрет на обновувањето на директните преговори во блискоисточниот мировен процес во четврток во Вашингтон, на Западниот брег во автомобил беа застрелани четири израелски цивили. Двајцата мажи и двете жени од кои едната бремена, беа убиени од огнено оружје од автомобил во движење кој минувал крај нивниот на фреквентна сообраќајница на окупираната палестинска територија, која ја користат и Палестинците и Израелците, пренесе Reuters.Вооруженото крило на палестинската исламистичка организација Хамас, во соопштение наведува дека нападот во близина на градот Хеброн на Западниот брег бил „природен одговор на злосторствата на израелската окупација“. Меѓутоа во соопштението не се презема одговорноста за овие убиства, дополнува DPA.Меѓутоа дописникот на руската агенција РИА Новости од Тел Авив доцна навечер во вторник јави дека военото крило на Хамас, „Бригадите на Изедин ал-Касам“ ја преземале одговорноста на еден од најкрвавите напади последните месеци на Западниот брег од реката Јордан. Ова крило за убиството на двајцата мажи двете жени кои биле членови на едно семејство ко патувале од еврејската населба Кирјат-Арба во близина на Хеброн, ги повикало своите приврзаници по вечерната молитва да излезат на улиците и да го прослават „успехот на операцијата“.„Тоа е отпор на животот и покрај соработката меѓу Израел и палестинските власти на Западниот брег“, изјавил во вторникот претставникот на Хамас, Февзи Бархум.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Стаб: Се надевам дека кај Трамп набргу ќе го снема трпението за Путин

Финскиот претседател Александар Стаб денес изјави дека се надева дека трпението на американскиот претседател Доналд Трамп со рускиот претседател Владимир Путин наскоро ќе исчезне и додаде дека европските земји ќе продолжат да се залагаат за траен мир во Украина.
Според него, единствениот начин да се принуди Путин да ја заврши војната во Украина е преку неговите сојузници, со проценка дека оние кои можат да го убедат рускиот претседател да постигне примирје се на Истокот, објавува „ Ile“.
Финскиот претседател, исто така, рече дека го предупредил Трамп дека Путин користи „типични руски тактики на одложување“ за да избегне средба со украинскиот претседател Володимир Зеленски.
Фото: принтскрин
Свет
Мерц: Германија нема да ја признае палестинската држава на Генералното собрание на ОН

Германскиот канцелар Фридрих Мерц денес изјави дека Германија нема да се придружи на иницијативата на западните сојузници за признавање на палестинска држава на Генералното собрание на Обединетите нации следниот месец.
Мерц го објави ова на заедничка прес-конференција со канадскиот премиер Марк Карни, кој минатиот месец изјави дека Канада планира да ја признае државата Палестина на Генералното собрание, по слични најави од Франција и Велика Британија, пренесува Ројтерс.
„Ставот на федералната влада е јасен, во врска со евентуалното признавање на државата Палестина. Канада го знае тоа. Ние нема да се придружиме на оваа иницијатива. Не гледаме дека условите се исполнети“, рече Мерц.
Фото: принтскрин
Свет
(Видео) Протести во Израел за прекин на огнот во Газа, блокиран главниот автопат во Тел Авив

Израелците денес излегоа на улиците на протести барајќи итно ослободување на заложниците и прекин на огнот во Газа.
Демонстрации и блокади на патиштата беа одржани во целата земја. Главниот автопат во близина на Тел Авив беше блокиран, а демонстрантите палеа гуми на патот северно од крајбрежниот град.
We are NOT our government!
Once again, this morning, Israelis flood the streets, blocking all major highways and blocking the homes of the war criminals – the illegal Israeli government.
End the war now!
Bring them home now!
Stop the atrocities in Gaza now! pic.twitter.com/w2E24VYp4j— Ami Dror 🇮🇱 עמי דרור (@AmiDror) August 26, 2025
Форумот на заложници и исчезнати семејства повика на разни протестни акции со слоганот „Израел стои заедно“. Голем протест е планиран за вечер на плоштадот во центарот на Тел Авив.
Демонстрантите го обвинуваат израелскиот премиер Бенјамин Нетанјаху за продолжување на војната од политички причини. Неговите крајнодесничарски коалициски партнери, од кои зависи неговиот политички опстанок, се спротивставуваат на прекинот на огнот.
Thousands of Israelis are blocking all major highways today demanding:
✊ End the war!
✊ Bring them home!
✊ End the Gaza atrocities!We are not our government!
🎥 Yair Palti pic.twitter.com/i4oaBM3zzj— Ami Dror 🇮🇱 עמי דרור (@AmiDror) August 26, 2025
Пред нешто повеќе од една недела стотици илјади Израелци изразија солидарност со заложниците за време на масовен протест.
Вкупно 50 заложници сè уште се држат во Појасот Газа, од кои се верува дека 20 се живи.
Исламистичката терористичка организација Хамас објави дека се согласила со новиот предлог за прекин на огнот поднесен од Египет и Катар, кои посредуваат во конфликтот.
Според медиумските извештаи, ова е ревидирана верзија на претходно договорениот предлог на специјалниот претставник на САД, Стив Виткоф. Планот вклучува 60-дневен прекин на огнот, во кој првично би биле ослободени десет живи заложници во замена за палестински затвореници.