Свет
Учењето на арапскиот јазик задолжително во израелските училишта

Од оваа година арапскиот јазик ќе почне да се изучува во 170 училишта на северот од Израел, а целта е тој да се воведе во сите училишта.
Досега учениците имале можност да го изучуваат арапскиот како втор јазик од седмо до десето одделение. Исто така тие можат да учат и руски, француски или амхарски кои ги зборуваат етиопските Евреи – пренесува „Блиц“.
Училишната програма е изменета по барање на самите ученици.
„Живееме во земја во која има два официјални јазика“, рече Шломо Алон, кој е задолжен за арапско и исламско образование во Министерството за образование, нагласувајќи дека со учењето на арапскиот јазик ќе се промовира толеранција, како и ќе се прати порака за прифаќање на луѓето.
Министерството за образование, како што рече Алон, е заинтересирано да пружи можност за вработување на арапски наставници.
„Државата тежнее кон воспоставување на еднаквост на граѓаните. Не сакаме да се вклучиме во конфликт кој живее врз основа на културниот идентитет“, рече тој.
Во израелските училишта има околу 1.000 наставници по арапски, кои главно се Евреи.
Официјалните претставници на министерството се надеваат дека програмата наречена „Јас салам“ ќе помогне јазикот како културен мост да промовира толеранција меѓу Евреите и Арапите, кои сочинуваат една петина од израелското население. Во Израел живеат 1,5 милиони, од вкупното население од 7.5 милиони жители./крај/бл/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Свет
Орбан: Не ја признаваме пресудата против Додик

Унгарија не ја признава конечната пресуда на Апелациониот совет на Судот на Босна и Херцеговина, со која беше потврдена првостепената одлука од февруари оваа година, објави премиерот на таа земја, Виктор Орбан.
„Унгарија не ја признава судската пресуда против претседателот Милорад Додик. Обидите на супервизорите назначени од ЕУ да го отстранат поради спротивставување на нивната глобалистичка агенда се неприфатливи. Тој е легитимен, избран лидер на Република Српска – ние цврсто се спротивставуваме на мешањето на Брисел во суверените прашања. Ништо не може да биде над волјата на народот“, напиша Орбан на социјалната мрежа Икс.
Медиумите во регионот потсетуваат дека Апелациониот оддел на Судот на Босна и Херцеговина во петокот ја потврди првостепената пресуда против претседателот на Република Српска, Милорад Додик, со која тој беше осуден на една година затвор и шестгодишна забрана за политичка активност поради непочитување на одлуките на Кристијан Шмит.
Свет
(Видео) Пукање во Лос Анџелес: има загинати и повредени

Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.
Полицијата изјави дека едно лице осомничено за пукањето е уапсено.
LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O
— Breaking911 (@Breaking911) August 4, 2025
Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.
Нема информации за мотивот на нападот.
Полицијата објави дека отворила истрага.