Илон Маск изјави дека не поддржува спојување на неговата компанија за вештачка интелигенција xAI со производителот на електрични возила Tesla, додека се зголемуваат прашањата за идниот однос на двете компании.

На социјалната мрежа X, профилот @BullStreetBets_ постави отворено прашање до инвеститорите во Tesla за тоа дали го поддржуваат спојувањето помеѓу Tesla и xAI. На што Маск одговори: „Не“.

No

— Elon Musk (@elonmusk) July 14, 2025

Изјавата доаѓа во време кога технолошкиот милијардер размислува за идниот однос меѓу неговите многубројни компании.

Преку ноќ, Маск објави дека Tesla ќе одржи гласање на акционерите во одреден момент за тоа дали компанијата треба да инвестира во xAI, компанијата што го развива контроверзниот чет-бот со вештачка интелигенција Grok.

Минатата година, Маск спроведе анкета меѓу своите следбеници на платформата X, прашувајќи дали Tesla треба да инвестира 5 милијарди долари во xAI. Мнозинството гласаше „за“.

Маск веќе некое време се обидува да ги поврзе своите компании. Во март, тој објави дека xAI и социјалната мрежа X се спојуваат во договор што го проценува xAI на 80 милијарди долари, а X на 33 милијарди долари.

Минатата недела, Маск објави и дека четботот Grok ќе биде достапен во возилата на Tesla. Четботот неодамна предизвика остри критики откако го пофали Адолф Хитлер и даде серија антисемитски коментари.

Иранскиот министер за надворешни работи, Абас Арагчи, го критикуваше израелскиот премиер Бенјамин Нетанјаху на социјалните мрежи, исмејувајќи го за неговите барања. Неговите коментари дојдоа откако Нетанјаху изјави дека Иран не треба да произведува ракети со дострел поголем од 480 километри.

„Нетанјаху вети победа во Газа пред речиси две години. Крајниот резултат: соочување со налог за апсење за воени злосторства и 200.000 нови регрути на Хамас. Во Иран, тој сонуваше да избрише повеќе од 40 години мирни нуклеарни достигнувања.

Крајниот резултат: секој од дванаесетте ирански академици што ги убија неговите платеници обучи повеќе од 100 способни студенти. Тие ќе му покажат на Нетанјаху за што се способни“, напиша тој на X.

„Но, неговата ароганција не запира тука. Откако мизерно не успеа да постигне ниту една од своите воени цели во Иран и откако беше принуден да избега од „татичко“ кога нашите моќни ракети ги срамнија со земја тајните локации на израелскиот режим, што Нетанјаху сè уште ги крие, тој отворено диктира што треба или не треба да кажат или да направат САД во разговорите со Иран.

Надвор од фарсата дека Иран ќе прифати сè што баран воен злосторник има да каже, се поставува неизбежното прашање: што точно пуши Нетанјаху? И ако ништо друго, што точно Мосад има за Белата куќа?“ прашува тој, пренесуваат медиумите.

Европската унија веќе подготви листа на царини со вкупна вредност од 21 милијарда евра за увоз на американска стока доколку САД и блокот не постигнат трговски договор, изјави денес италијанскиот министер за надворешни работи Антонио Тајани.

Во интервју за „Ил Месаџеро“, тој рече дека Европската централна банка треба да разгледа нова програма за купување обврзници за „квантитативно олеснување“ и понатамошно намалување на каматните стапки, со цел да се помогне на економијата на еврозоната.

Како што изјави, подготвениот пакет европски царини би можел да биде проследен со уште еден сет доколку договорот со САД не се реализира.

„Царините им штетат на сите, почнувајќи од САД. Ако берзата падне, тоа ги става во опасност пензиите и заштедите на Американците“, рече тој.

Тој изјави дека целта е да нема никакви царини и да се воспостави отворен пазар меѓу Канада, САД, Мексико и Европа, пренесува Танјуг.

Американскиот претседател Доналд Трамп минатата недела објави дека производите увезени во САД од ЕУ и Мексико ќе бидат предмет на царини од 30 проценти, почнувајќи од 1 август, по што италијанската опозиција ja критикуваше Џорџa Мелони и нејзината партија, за „спуштање на главите“ пред заканите од Вашингтон.

Претседателката на Европската комисија, Урсула фон дер Лајен, изјави дека Брисел засега нема да преземе мерки против американските царини за челик и алуминиум, со надеж дека ќе се постигне договор со кој ќе се избегнат пошироки царини од 30 проценти за целиот извоз.