Три руски полицајца загинеле а еден бил ранет во акцијата во селото Долни Maхаргимахи во Сергокалинската област во Дагестан, во која во петок беа ливкидирани четири милитанти, рекол за РИА Новости претставник на Главната управа на руското министерството за внатрешни работи

Припадниците на руските специјални единици во петок во две операции спроведувани по информации добиени од Федералната служба за безбедност на Русија, ликвидираа четири исламистички милитанти. Утрово по оперативни информации полицијата опколила приватна куќа во селото Долни Махаргимахи во која се криеле милитантите.„Операцијата е преземена по информациите што се добиени за четири вооружени милитанти кои се криеле во една куќа. По повикот се предадат од куќата којашто била сопственост на членот на бандата, Малик Магомедов, тие пуштиле да излезат три жени“, потврдил за РИА Новости претставникот на министерството за внатрешни работи Марк Толчински.Според него, кога полицајците ги прифаќале жените кои излегувале од куќета, милитантите отвориле оган и убиле еден полицаец..„Во престрелката беа убиени уште двајца полицајци, а еден беше ранет во рамото и нозете, но неговиот живот не е во опасност“, нагласил Толчински.Во текот на денот претходно Информативниот центар на рускиот Национален антитерористички комитет (НАК), соопшти дека биле идентификувани три убиени милитанти. Според НАК, тие биле припадници на терористичка група што била водена од некој Турчин, познат како Абдулсалам, чие тело било идентификувано по завршувањето на акцијатаСпоред Толчински, за да се ликвидира добро вооружената и утврдена група, требало да се дејствува и со тенк.Во меѓувреме, специјална операција била спроведувана и во градот Дербенте, каде во повеќекатна куќа бил блокиран станот на еден осомничен за учество во организирана екстремистичка група, кој по повикот да се предаде отворил оган врз полицајците, Според информациите од НАК во руските медиуми, полицијата решила да ги евакуира сите околни згради и во попладневните часови почнала да ја спроведува операцијата.