Во САД масовно се спроведува вакцинацијата на населението против коронавирус. Со оглед на големиот број заразени но и смртни случаи вакцинирањето се спроведува исто како и тестирањето – и во автомобил.

Токму таков начин на вакцинирање, иако чекал со часови, избрал и познатиот актер и поранешен гувернер на Калифорнија, Арнолд Шварценегер.

View this post on Instagram

A post shared by Arnold Schwarzenegger (@schwarzenegger)

„ Денес беше добар ден. Никогаш не сум бил посреќен да чекам во ред. Ако сте во состојба придружете ми се и пријавете се за вакцина. Дојдете со мене ако сакате да живеете“, напиша Шварценегер под видеото кое го постави на својот профил на Инстаграм.

Шпанските војници и политичари кои се вакцинирани против коронавирус, а не биле приоритетна група, се во центарот на јавен спор со сменување на одговорните за тоа.

Министерот за внатрешни работи синоќа смени еден потполковник, офицер за врски на Цивилната гарда во Генералштабот, рекол за АФП портпаролот на Министерството за војска. Тој е разрешен од должноста бидејќи се дознало дека вакцината ја примил преку ред, без приоритет, иако повеќе од еден милион дози на вакцини се наменети за медицинскиот персонал и за старите лица во старските домови.

Со оглед дека повеќе вработени од Генералштабот се вакцинирале, може да има повеќе смени, предупреди во петокот министерката за одбрана Маргарита Роблес, нагласувајќи дека чека извештај за тоа.

Политичарите од различни партии ја примија и првата доза на вакцината, без ниту тие да бидат во приоритетната група. Еден од нив, регионалниот советник за здравство во Мурсија, на југоистокот на Шпанија, Мануел Вилегас, беше принуден да си даде оставка поради тоа.

Хавиер Герерон, здравствен советник во шпанската енклава Сеута, на северот од Мароко, е во слична ситуација, но тој најави дека нема да поднесе оставка, тврдејќи дека не прекршил никаков протокол. Тој тврди дека не сакал да се вакцинира затоа што „не сака вакцини“, но на тоа се согласил на барање на неговите советници.

Радикалната левичарска партија Подемос, член на владејачката коалиција заедно со социјалистите, ја осуди „корупцијата“ при вакцинациите.

Шпанија е најпогодената земја од пандемијата меѓу европските земји, според повеќе од 55.000 мртви и скоро 2,5 милиони случаи, според официјалните податоци.

Слична полемика ја разбранува и Австрија, каде властите во вторникот најавија истрага за извештаите во печатот за градоначалници, монахињи, па дури и роднини на негуватели кои примиле вакцина без да бидат во приоритетната група за вакцинација.

Во центарот на Москва денеска се собраа илјадници луѓе во знак на поддршка на уапсениот опозиционер Алексеј Навални.

At least 1,090 have been arrested at protests around Russia against @navalny's jailing pic.twitter.com/sRp2BtOl3v

— Alec Luhn (@ASLuhn) January 23, 2021

Протестите, кои не беа одобрени од руските власти, беа организирани низ цела Русија. Меѓу уапсените е и сопругата на Навални, Јулија. Информацијата за апсењето ја објави самата Јулија Навални на Инстаграм.

Повеќе од 200 демонстранти беа приведени на рускиот Далечен исток и Сибир, а невладината организација ОВД-Инфо, која ги следи политичките апсења, објави дека најмалку 48 лица биле приведени на денешните протести во Владивосток и Хабаровск.

Навални, најистакнатиот руски политички противник на Владимир Путин, беше уапсен на 17 јануари кога се врати од Германија во Москва, каде мина пет месеци опоравувајќи се од труењето со нервен агенс.