Свет
Се повлекуваат милион опасни играчки за деца
Производителот на играчки Фишер Прајс, објави дека повлекува околу 10 милиони играчки од пазарот во САД и Канада, бидејќи се опасни за децата. Се работи за комплети кои содржат топки на дување со ризични вентили
Производителот на играчки објави дека во САД повлекува околу 2,8 милиони комплети за играње со топки на дување, поради опасност од задушување од вентилот на топката. Околу 125 илјади вакви играчки се повлекуваат и во Канада.Фишер Прајс објави дека има примено 46 пријави за вадење на вентилот од топката.„Во 14 случаи вентилот е најден во устата на детето, а во три случаи детето почнало да се гуши. Нема пријави за повредени деца“ – соопштува компанијата, пренесуваат американските медиуми.Повлечени се и повеќе од седум милиони трицикли, поради предизвикување на исеченици кај децата, објави компанијата. Се работи за пластичниот клуч на трициклот, за кои компанијата нуди замена.Фишер Прајс повлекува од пазарот околу 120 илјади мали автомобили играчки, поради најмалку два пријавени случаи на вадење на тркала, кои можат да предизвикаат опасност од задушување.Освен играчки, компанијата исто така повлече речиси милион високи столови, поради 14 пријави за исеченици кај децата, од острите рабови од столицата.Фишер Прајс ги повика родителите да ги вратат повлечените играчки, за да им бидат вратени парите или да добијат нивна замена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.