Свет
Шест лица загинаа во Бангладеш на митинг, во кој се влетал воз
Воз во понеделник влетал во толпата на железничката станица во централниот дел на Бангладеш, при што најмалку шест лица загинале а 60 се повредени, објави новинската агенција Ксинхуа повикувајќи се на локалните медиуми.
Според сведоците на железничката станица во Мулибари, во поддистриктот Бандгладеш Садар во дистриктот Сирајгањ, 134 километри северозападно од главниот град Дака, ги собрала голема група локални жители да учествува на митингот на опозициската Национална партија на Бангладеш. Од засега непознати причини за истрагата, патнички воз удрил во масата на демонстрантите. Притоа покрај шесте загинати, 26 лица биле тешко повредени од нив десет биле во критична состојба, пренесува Ксинхуа.По инцидентот разгневената толпа го запалила воз и го претепала машиновозачот. Во смирувањето на бесните демонстранти биле ангажирани специјалните полициски единици кои во растурањето на демоснтрантите употребиле солзавец.Ваквите инциденти се чести во оваа азиска земја, каде што државните железници и сигнални системи се многу застарени. Кон крајот на септември, експресен воз удри два автобуса во главниот град на Бангладеш во Дака, при што загинаа седум патници, а десетици беа повредени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

