Парламентарната комисија денеска го сослуша шефот на француската разузнавачка служба и началникот на националната полиција, за истрагата околу аферата за прислушувањето на новинири со која се поврзува и францускиот претседател Никола Саркози, пренесе агенцијата Хина.

Француската парламентарна Комисија го испрашувала и главниот директор на Националната полиција и шефот на Централната разузнавачка внатрешна администрација, меѓутоа парламентарните извори не сакаат да кажат нешто во врска со содржината на извештаите.

Неделниот весник „Окован патор“ објави дека Саркози го наредил следењето на новинарите, но Владата го негираше тоа.

„Кога еден новинар почнува непријатна истрага за него (Саркози) или неговите луѓе, тогаш Саркози „бара“ од шефот на Централната разузнавачка внатрешна администрација да започне „надзор’ на тој новинар, пишува неделниот магазин „Окован патор“.

„Окованиот патор“ остана доследен на тоа што пишуваше и покрај владините деманти.

Централната разузнавачка внатрешна администрација беше критикувана поради тоа што истражуваше кој е одговорен што во јавноста се откри аферата за милионската илегална донација на партијата на Саркози во која се вмешани наследникот на фирмата „Лореал“ и министерот за труд./крај/хи/пк.