Свет
По 15 години ослободена лидерката на опозицијата на Мианмар

Опозицската лидерка Аунг Сан Суу Кји е ослободена во саботата по 15 години минати во домашен притвор, за AFP потврдил неименуван функционер од власта на Минамар
Како што пренесува Agence France Presse, државни службеници во 10.30 часот по средноевропско време дошле во домот на Аунг Сан Суу Кји и го прочитале налогот на воената хунта за нејзино пуштање на слобода. Според агенцијата околу куќата на Аунг Сан која стана симбол на борбата за демократија во Мианмар и е добитничка на Нобеловата награда за мир, во саботата се собрале околу две илјади нејзини приврзаници. Аунг Сан во домашен притвор мина вкупно 15 години со куси прекини, од 1989 г.Како што пренесува CNN, нејзиниот адвокат изјавил дека одлуката за нејзиното ослободување од казната била потпишана во петокот навечер и се очекува нејзино обраќање за јавноста.Според BBC, нејзиниот адвокат Нијан Вин рекол дека таа го прифатила ослободувањето само со условот дека смее да се занимава со политичка активност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Со Путин е договорен прекин на огнот за енергетските и инфраструктурните објекти

Американскиот претседател Доналд Трамп изјави дека во денешниот телефонски разговор со неговиот руски колега Владимир Путин се договорил за итен прекин на огнот меѓу Русија и Украина во сите енергетски и инфраструктурни објекти.
„Се согласивме на итен прекин на огнот на сите енергетски и инфраструктурни објекти, со разбирање дека ќе работиме брзо за да постигнеме целосен прекин на огнот и, на крајот, да ставиме крај на оваа многу страшна војна меѓу Русија и Украина. Оваа војна никогаш немаше да започне ако јас бев претседател“, рече Трамп на Truth Social.
Тој додаде дека имал „многу добар и продуктивен“ разговор со Путин и дека разговарале за „многу елементи од мировниот договор, вклучувајќи го и фактот дека илјадници војници умираат“.
„Тој процес сега е во полна сила и ефект, и се надеваме, заради човештвото, дека ќе ја завршиме работата“, рече Трамп.
Свет
Гутереш ги повика Израел и Хамас целосно да го почитуваат прекинот на огнот во Газа

Генералниот секретар на Обединетите нации Антонио Гутереш денеска ги повика Израел и палестинската милитантна група Хамас целосно да го почитуваат прекинот на огнот во Појасот Газа.
Тој рече дека Палестинците во Појасот Газа се подложени на „неподносливо страдање“ додека израелските напади продолжуваат немилосрдно.
Гутереш им рече на новинарите во Женева дека улогата на ОН е меѓународната заедница да изврши притисок врз Израел и Хамас целосно да го почитуваат прекинот на огнот во Појасот Газа, пренесе Ал Џезира.
Министерството за здравство на Хамас објави дека повеќе од 400 луѓе, главно палестински деца и жени, биле убиени во текот на ноќта во израелските напади врз Појасот Газа.
Свет
Ница ја погоди земјотрес со јачина од 4,1 степени

Земјотрес со јачина од 4,1 степени според Рихтер вечерва ја погоди областа во близина на францускиот град Ница, соопшти Европскиот медитерански сеизмолошки центар (EMSC).
Земјотресот се случил на 16 километри северно од Ница, каде живеат околу 340.000 жители, додава EMSC.
Земјотресот се случил на длабочина од десет километри.