Жена во Хонгконг е сериозно заболена од птичји грип, прв регистриран случај кај човек на територијата на Кина од 2003 г., пренесува BBC

Официјални лица соопштиле дека 59-годишна жена се разболела кратко време по враќањето од посетата на главниот град.Се уште не е прецизирано дали вирусот е добиен на територијата на Хонгконг, но поради можниот ризик за ширење на инфекцијата зголемено е нивото на претпазливост во главниот град.Последната епидемија на птичји грип во 2003 г. однесе шест животи во Хонгконг.Според министерот за здравство, Јорк Чоу, се уште нема знаци дека вирусот се шири меѓу луѓето и дека истрагата била фокусирана на живината како извор на инфекцијата.Жената до Хонгконг патувала по копнен пат, заедно со нејзината ќерка и сопруг, а по пат ги посетиле и Шангај, Нанџинг и Хангџу.Чоу изјавил дека надлежните органи ќе се состанат денеска за да одлучат што понатаму и дали се потребни некакви мерки за претпазливост.Првиот пат кога вирусот ја премина бариерата меѓу живината и човекот во 1997 година сите кокошки во Хонгконг беа убиени.Светската здравствена организација соопшти дека повеќе од 500 случаи на птичји грип биле дијагностицирани ширум светот од 2003 година, од нив 302 имале фатален крај.