Американскиот претседател Барак Обама не остана настрана од жестоката дебата меѓу неговата администрација и Сенатот за брза ратификација на новиот договор со Русија ткн. START 2

Како што пренесуваат американските медиуми, претседателот Барак Обама ги повикал законодавците да не го одложуваат гласањето за документот кој тој го нарекува „национален императив за безбедноста“ на САД.Во средината на септември, Меѓународниот комитет на Сенатот го усвои документот и го предаде за разгледување пред целиот состав на законодавниот дом со резолуција која препорачува ратификација на договорот.Републиканскиот сенатор Џон Кајл во вторникот издаде соопштени во кое изрази сомневање дека Сенатот ќе го разгледа договорот до јануари. Според него, сенаторите се премногу зафатен со други работи, а освен тоа кај сенаторите имало се уште прашања по содржината на документот. Оваа изјава предизвика панична реакцијата од страна на администрацијата на претседателот Обама, и покрај тоа што претходно републиканците ја објавија својата поддршка за договорот. Гласот на сенаторот Кајл е од круцијално значење за демократите, затоа што неколку републикански сенатори изјавија дека го поддржуваат неговото мислење, сметаат американските аналитичари.Демократите бараа за START да се разговара пред ноемвриските избори за конгресот. Инаку демократите го одложуваа гласањето во надворешнополитичката комисија затоа што сакаа да обезбедат поширока поддршка од републиканците. Некои републиканци се противат на договорот, затоа што тврдат дека не нуди „адекватни процедури кои би осигурале дека Русија ќе ги исполни своите обврски“. Тие, исто така, страхуваат дека Москва би можела да го искористи договорот за да го ограничи американскиот план за поставување на противракетен штит. Меѓу републиканците има и такви кои од демократите побарале гаранции дека ќе обезбедат повеќе пари за одржување на постоечкиот нуклеарен арсенал.По завршувањето на прелиминарните конгресни избори од 2-ри ноември, на кои републиканците ја намалија предноста на демократите кои се мнозинство, судбината на договорот START останува нејасна, сметаат, пак, руските политички аналитичари. Имено, републиканците пред изборите блокираа голем број иницијативи на администрацијата на Обама, па се претпоставува дека со новиот сооднос на силите и новите републикански сенатори американскиот претседател и неговиот кабинет ќе се справуваат уште потешко.За да Сенатот во новиот состав го ратификуваа договорот, Обама треба да придобие најмалку 14 републиканци.„Тоа не е прашање на политиката, тоа е прашање на националната безбедност. И, тоа не е прашање кое може да се одложува… Тоа не е идеја ниту на демократите, ниту на републиканците, тоа е идеја за јакнење на националната безбедност на САД“, рекол Обама на брифингот со новинарите акредитирани во Белата куќа, пренесува Reuters.Во Сенатот Обама напомнал дека идејата за намалување на стратешките офанзивни оружје била поддржувана и од демократските и од републиканските претседатели на САД. За време на неговиот говор, како што наведува американскиот печат, во салата присуствувале истакнати републиканци, поранешните државни секретари Медлин Олбрајт, Џејмс Бејкер, Хенри Кисинџер, поранешните први луѓе на Пентагон, Вилијам Коен и Вилијам Пери, кои го поддржуваат новиот договор за намалување на стратешкото офанзивно оружје.Обама во апелот нагласил и дека без овој договор, САД нема да можат да вршат инспекции врз рускиот нуклеарен арсенал.„И ако ние го одлагаме ова прашање, ќе ослабе лидерството на САД во доменот на нераспространувањето на нуклеарното оружје“, додал американскиот претседател.Обама изразил уверување дека договорот може да биде поддржан од потребните 67 гласа за негова ратификацијата, односно од две третини од сенаторите.Претседателите на Русија и САД го потпишаа новиот договор за стратешко офанзивно оружје на 8-ми април 2010 г. во Прага. Страните имаат намера во рок од седум години да го намалат вкупниот број боеви глави до 1.550 што е една третина во однос на постоечките 2.299 одредени со Москавскиот договор од 2002 г. и повеќе од двапати од долниот лимит за стратешки системи за испорака. Со новиот договор, исто така, се предвидуваат и нови процедури, со кој се олеснува контролата на почитувањето на договорот. Договорот мора да бидат одобрени од страна на двата дома на рускиот парламент, како и на американскиот Сенатот.