Свет
НАТО расправа за Авганистан

Педесетина шефови на држави и влади на земјите-членки на НАТО и нивните сојузници денеска повторно се сретнаа во Лисабон, на вториот и завршен ден од самитот на Северноатлантскиот совет, да расправаат за датумот за почеток за повлекување на странските војници од Авганистан
Дваесет и осум членки на НАТО уште 20 земји од Австралија до Јужна Кореја имаат свои војници во составот на меѓународните сили во Авганистан, но сега сите веќе со нетрпение го очекуваат почетокот на нивното враќање дома. Се очекува дека шефовите на меѓународните сили на ИСАФ ќе објават дека повлекувањето ќе почне од јули 2011 година, а би требало да заврши до 2014-тата. „Сметаме дека е реално и оти ќе ја исполниме задачата за пренесување на одговорноста за сигурност на авганистанските сили до крајот на 2014 година“, изјави вчера главниот секретар на НАТО, Андрес Фог Расмусен . Истовремено се очекува дека членските ќе ветат поддршка за авганистанскиот претседател Хамид Карзаи и по 2014тата и тоа првенствено со обучување и поткрепа на авганистанските сили и зајакнување на економскиот и административниот развој. Се очекува дека Карзаи денеска ќе присуствува на самитот во Лисабон.НАТО веќе има обучено 150 илјади авганистански војници и полицајци и се надева дека ќе го дуплира бројот до октомври следната година. Вчера беше усвоен Новиот стратешки концепт на НАТО, темелен документ со најбитните цели на сојузот за во наредните десет години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
СЗО е против ковид пасоши: „Светот е збунет и парализиран“

Светската здравствена организација (СЗО) ги советуваше државите да не ги условуваат меѓународните патувања со докази за вакцинација или имунитет.
Ова беше истакнато на состанокот на Комитетот за вонредни состојби на СЗО составен од 19 независни експерти.
Експертите дадоа низа препораки што беа прифатени од генералниот секретар на СЗО, Тедрос Аданом Геберјесус, и испратени до членките на Обединетите нации.
„Во овој момент, не воведувајте обврска за докажување на вакцинација или имунитет за меѓународно патување, бидејќи сè уште има клучни непознати информации за ефективноста на вакцината во намалувањето на преносот, а вакцините не се целосно достапни за секого. Доказите за вакцинација не треба да ги ослободуваат меѓународните патници од други ограничувачки мерки за намалување на ризикот од зараза за време на патувањето“, соопшти Комитетот на СЗО.
Тие истакнаа дека во моментов постои голема разлика помеѓу земјите во однос на вакцинациите, тестирањата, карантинот и забраните за патување, што доведува до тоа светот да биде малку збунет и парализиран.
Експертите сметаат дека е важно да се развијат научно засновани и јасни упатства за тоа како да се олесни патувањето на најдобар начин и да се овозможи движење на луѓето на безбеден начин преку воздух, море или копно.
„Научните докази не се целосни, нема доволно вакцини и затоа не треба да создаваме непотребни ограничувања за патувања сега. Затоа, да се обидеме да го заштитиме патничкиот простор и да осигураме дека економиите не се целосно изолирани“, рече Мајк Рајан, главен експерт за СЗО.
СЗО ги повикаа државите да ги следат видовите на вирусот, како што се идентификувани од Велика Британија и Јужна Африка, за соодветно да се процени ефикасноста на вакцините, лековите и дијагностичките тестови, пишува Ројтерс.
Регион
Во Србија пристигнуваат милион дози од кинеската вакцина

Претседателот на Србија, Александар Вучиќ, ќе ја пречека испораката на милион дози на вакцината „Синофарм“ од Кина.
Како што соопшти прес-службата на Вучиќ, утрово ќе пристигне авионот „Ер Србија“ на аеродромот „Никола Тесла“.
Авионот ќе биде пречекан и од амбасадорот на Кина во Србија, Чен Бо и министерот за здравство на Србија, Златибор Лончар.
Српските медиуми, претходно вчера јавија дека најверојатно в недела со кинеската вакцина ќе почне имунизацијата на здравствените работници.
Во Србија во тек е имунизација со вакцината на Бионтек/Фајзер и со руската вакцина „Спутник 5“.
Регион
(Видео) Нападнати полицајци во Србија кои интервенирале поради прослава за Стара нова година

Српски полицајци интервенирале во Ново Село кај српскиот град Крушевац, откако добиле информација за прослава на Православната нова година во семејна куќа во селото, на која се слушала гласна музика и се пукало од огнено оружје.
Еден од учесниците на прославата снимил дел од полициската интервенција, а на снимката се гледа како неколкумина полицајци влегуваат во куќата, ја прекинуваат веселбата со 12 луѓе, од кои четворица биле музичари кои ги забавувале гостите, и неуспешно се обидуваат мирно да ги приведат поради кршење на важечките прописи за спречување на ширењето на коронавирусот.
Дел од славениците, очигледно поднапиени, започнаа расправија, а сопственикот на куќата се обиде да ги избрка полицајците надвор, но успеа само да предизвика мешаница, а потоа и физичка пресметка и инцидент.
Двајца од присутните, Д.Р. и Н.Р., се приведени откако ги нападнале полицајците, соопшти Министерството за внатрешни работи. Според полицијата, на снимката која се прошири на социјалните мрежи, не е забележано како двајцата осомничени потоа во дворот на куќата влегле во директна тепачка со полицајците, нанесувајќи им повеќе удари во главата и телото, пред да бидат совладани.
Двајцата ќе добијат кривични пријави за напад на службено лице кое врши службена должност и спречување на службено лице во вршење на службена должност.
- Книги4 недели
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Македонија3 недели
Возачот на „бентлито“ што „влета“ на плоштад казнет со 45 евра, објавена фотографија од записникот
- Спорт3 месеци
Гетџи: По мечот со Хабиб, мојата мајка конечно ќе може да се пензионира