Рускиот премиер Владмир Путин е вистинскиот лидер на Русија, а 84 проценти од Русите веруваат дека е моќен како и пред повеќе од две години, кога тој ја напушти претседателската должност, покажала анкетата која е објавена денеска

Владимир Путин е како што го нарекуваат руските службеници, „доминантен член на владејачкиот тандем“ со Дмитриј Медведев, кој го заменил во 2008 г. , поради ограничувањата во Уставот за вршење на претседателската функција на два мандата по ред, Путин не можеше повторно да се кандидира.Анкетата која Левада Центарот ја спровел од 22 до 25 октомври, покажала дека 84 проценти од испитаниците веруваат дека Путин го задржал своето влијание по напуштањето на претседателската функција во мај 2008 година и преземањето на премиерската должност.„Луѓето имаат впечаток дека целото влијание е во рацете на Путин“, рекол за агенцијата Reuters, заменик директор на Левада.„Иако Медведев официјално е претседател, тој нема ист контакт со државниот апарат како Путин“, додал тој.И Медведев и Путин велат дека редовно меѓусебно се советуваат и дека се согласуваат во скоро сите случаи. Анкетата покажала дека 71 проценет од Русите веруваат дека Путин и Медведев и понатаму ќе продолжат со соработка, а само 15 проценти сметаат дека ќе дојде до судир