Продолжува објавувањето на документите за тајните преписки на американската дипломатија, од која се најдоа погодени многу светски влади.Денеска прво беше објавена тајната телеграма на американската државна секретарка Хилари Клинтон која бара информации за „менталната состојба“ на аргентинската претседателка 57-годишната Кристине Кирхнер. На ова реагираше венецуелскиот претседател Хуго Чавез кој за државната телевизија изразувајќи солидарност со аргентинската колешка изјави дека „некој би требало да се позанимава со менталната состојба на Хилари Клинтон. Таа се чувствува посупериорна од Обама Затоа што е бела, таа смета дека е посупериорна од својот црн претседател“, изјавил Чавез, пренесува Ројтерс.Како што пишува британски Гардијан, информацијата за „менталното здравје“ на аргентинската претседателка, односно барањето од американските дипломати во Аргентина да испитаат дали таа зема лекови за смирување, доаѓа во многу незгодно време за односите меѓу Вашингтон и Буенос Аирес.Британскиот весник наведува и дека во документите кои се однесуваат на кинеската политика кон Северна Кореја, било наведено дека официјален Пекинг е подготвен да ја прифати идејата за обединувањето на двете Кореи. Според сознанијата на Гардијан, наводно на Кина и било преку глава и нејзините политичари биле исфрустрирани од однесувањето на Пјонгјанг како „размазено дете“ па затоа сакале да се дистанцираат од неговата политика.Како што пишува хрватскиот дневен весник „Вечерњи лист“, Хрватска е вовлечена во своевидна шпионска војна и е една од ретките држави кои во тајните документи се споменува во сите 24 точки од интересот на шпионската дипломатија.Хилари Клинтон, пак, од своја страна не сакаше да ги коментира содржините на објавените документи, но потегот на Викиликс го оцени како напад на политиката на САД.„Да бидам појасна, ова протекување на документите не е обичен напад на надворешните политички интереси на САД, но убедена сум дека администрацијата на претседателот Барак Обама ќе го издржи овој предизвик“, изјави Клинтон./крај/бл/сн