Свет
САД и сојузниците бараат помош од Кина и Русија во врска со Северна Кореја
САД, Јапонија и Јужна Кореја денеска извршиле дипломатски притисок врз Кина и Русија за помош при намалувањето на тензиите на Корејскиот полуостров.
Кинескиот претседател Ху Џинтао го предупреди американскиот колега Барак Обама дека ситуацијата може да излезе од контрола.
Како што пишува Ројтерс, во Вашингтон денеска државната секретарка Хилари Клинтон на почетокот од нејзиниот состанок со нејзините јапонски и јужнокорејски колеги рекла дека сите три држави споделуваат голема загриженост заради „предизвикувачките напади од страна на Северна Кореја“.
Јапонскиот министер за надворешни работи Сеиџи Маехара, како и неговиот јужнокорејски колега Ким Сунг-Хван, рекол дека трите земји се надеваат на поголема соработка од страна на Кина и Русија кои даваат впечаток дека се помалку подготвени остро да реагираат во однос на Северна Кореја.
„Ние овој состанок ќе го направиме во собир кој ќе постигне поцврст ангажман на Кина и Русија во нашите напори“, рекол јапонскиот шеф на дипломатијата Маехара
Белата куќа соопшти дека претседателот Барак Обама во телефонски разговор со кинескиот претседател Ху Џинтао побарал од него Пекинг да соработува со САД и со сојузниците „за да и’ се испрати јасна порака на Северна Кореја дека нејзините провокации не се прифатливи“.
Претседателите Обама и Џинтао разговарале додека Јужна Кореја ги започнувала своите поморски воени вежби, забележува Ројтерс.
Како што пренесе кинеската државна агенција Ксинхуа, тамошното министерство за надворешни работи соопштило дека претседателот Џинтао на неговиот американски колега Обама му рекол дека „особено во сегашната состојба, ако таа не се реши соодветно, тензиите на Корејскиот полуостров може многу да се зголемат или да излезат од контрола, што нема да биде во ничиј интерес“. „Потребно е смирување, а не затегнување на ситуацијата, судир на дијалози, мир, а не војна“, ги цитира агенцијата зборовите на Џинтао.
Вечерва во Јужна Кореја на средба со тамошните високи претставници на безбедносните сили, отпатува началникот на генералштабот на американската армија, адмиралот Мајк Мален. /крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Се урна нов мост во Кина
Новоотворениот мост во кинеската покраина Сечуан делумно се урна, но сè уште не е познато дали има жртви.
Дел од пристапот до мостот Хонгчи и дел од трупот се урнаа и предизвикаа лизгање на земјиштето, објави Ројтерс.
The Hongqi Bridge in Shuangjiangkou, Sichuan Province, China has collapsed.
Looks like the foundation on the mountain was not deep & strong enough.*This is a big dent on China’s structural engineering image & China haters are already having a field day laughing & mocking this… pic.twitter.com/bjSh0XhQMT
— Zimbo_Factual (@fracta70911) November 11, 2025
Мостот долг 748 метри е дел од националниот автопат што ја поврзува покраината со Тибет, а пукнатините наводно се појавиле поради обилните дождови.
Изградбата на мостот беше завршена претходно оваа година, а изведувачи беа „Сечуан Роудс енд Бриџ Груп“.
Регион
Грчките земјоделци на протести поради стопираните субвенции од ЕУ
Грчките земјоделци одржуваат протестни демонстрации низ целата земја. Нивните барања се за продолжување на исплатата на субвенции и помош.
Грчките земјоделци ја обвинуваат владата дека намерно ги прикрива оние што ги украле европските субвенции. Министерството за аграрен развој ги суспендираше сите исплати на земјоделците додека не заврши истрагата за украдените субвенции од ЕУ. Обвинителството веќе поднесе обвиненија против над сто лица кои добиле субвенции од ЕУ со лажни документи.
Стотици земјоделци од целата земја протестираат со трактори пред Министерството за аграрен развој. Главната иницијатива е од сточарите од островот Крит, кои пристигнаа специјално за демонстрациите во грчката престолнина. Во Александрополис, тие го блокираа аеродромот за да го спречат премиерот Мицотакис да го посети регионот. Во Солун, десетици трактори го запреа сообраќајот на патот кон Халкидики. Друга голема група е пред Министерството за Северна Грција. Во Лариса, сообраќајот на автопатот е исто така блокиран.
Денешните протести се само предупредување, велат земјоделците. Земјоделскиот сектор покажува подготвеност за активни протестни акции. Пратениците од опозицијата и лидерите на партиите се придружија на демонстрациите во Атина.
Свет
Украина обвини седум лица во корупциски скандал вреден 100 милиони долари
Украинските власти подигнаа обвинение против седум лица поврзани со корупциска афера вредна околу 100 милиони долари, во која се инволвирани високи функционери на државната енергетска компанија „Енергоатом“.
Националното биро за борба против корупција на Украина (НАБУ) соопшти дека привело пет лица, а идентификувало уште двајца осомничени за вмешаност во шема за злоупотреби при јавни набавки во државните претпријатија, особено во „Енергоатом“.
Како главен организатор на аферата се спомнува Тимур Миндич, поранешен бизнис-соработник на претседателот Володимир Зеленски. Миндич, кој работеше во продуцентската куќа „Квартал 95“, каде што Зеленски ја изгради својата кариера пред да влезе во политиката, не одговори на барањето за коментар.
Меѓу обвинетите се и поранешен советник на министерот за енергетика, шефот на безбедност на „Енергоатом“, како и неколку вработени во компанијата. Министерството за правда потврди дека против поранешниот министер за енергетика Герман Галушченко биле спроведени истражни дејства, но не е познато дали е поврзан со оваа истрага.
Истрагата се води во време кога Украина се подготвува за нова зимска сезона со можни прекини на струја поради руските напади, а „Енергоатом“ има клучна улога во снабдувањето со електрична енергија во земјата.

