Свет
Уапсен саудиски уредник поради предвидување за распад на кралството

Саудискиот магазин „Ума конференс“ денеска објави дека нивниот уредник е уапсен веднаш откако објавил предупредување за борба за превласт во кралското семејство, поради лошото здравје и на кралот и на принцот престолонаследник, пренесува Асошиејтед прес.Според соопштението поставено на нивната интернет страница, уредникот Мохамед Ал-Абдул Карим бил уапсен во неделата во својот дом и веднаш бил одведен во затвор во близина на Ријад. Засега нема покренато обвинение против Ал-Абдул карим, кој е исто така и универзитетски професор.Во написот од минатата недела, Ал-Абдул Карим предвиде дека смртта на кралот Абдула може да предизвика дури и распаѓање на кралството пребогато со нафта.Абдула, кој има 86 години, е на лекување во една болница во Њујорк поради проблеми со грбот, а неговиот изнемоштен 85-годишен брат, принцот престолонаследник Султан, се опоравува од рак /крај/ап/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.