Свет
САД може да го обвинат Асанж за шпионажа
Американските власти може да поднесат обвинение за шпионажа за основачот на Wikileaks Џулијан Асанж во врска со објавувањето на класифицираните документи од архивите на американските министерства и безбедносни агенции,
Ова го изјави во петокот неговиот адвокат Џенифер Робинсон.„Нашиот став е јасен – ние не веруваме дека тоа (обвинение за шпионажа) ќе се подигне против Асанж. Во секој случај, тој може да се повика а Првиот амандман (од Уставот на САД) како издавач“, изјавил Робинсон, цитира американската телевизиска мрежа ABC news.„Секое обвинение во рамките на законот за борба против шпионски активности, од моја гледна точка, е спротивно со Уставот и ќе ги загрози сите медиуми во САД“, изјавил адвокатот на 39-годипниот Австралиец, Џилујан Асанж.Американското министерство за правда одбило да даде коментар во врска со можноста за покренување на вакво обвинение против Асанж.Сепак, претходно оваа седмица јавниот обвинител Ерик Холдер, изјави дека објавувањето на тајни документи од страна на Wikileaks е закана за американската безбедност. Тој исто така рече дека тој дал инструкции да започне кривична постапка против основачот на интернет страницата.Големиот скандал околу Wikileaks изби откако кон крајот на ноември кога интернет страницата почна да објавува класифицирани документи на американските дипломати низ светот со многу непријатни забелешки за светските лидери. Како што е наведено на страницата, оваа збирка доверливи документи, која брои околу 250 илјади датотеки, е најголемата досега којашто се појавува во јавноста.Асанж е обвинет од правосудните властите на Шведска за сексуален напад и во вторникот беше уапсен во Лондон по меѓународна потерница. Тој ќе остане во притвор најмалку до 14-ти декември, кога ќе се одржи сослушувањето за да се донесе одлука за негова екстрадиција во Шведска.Портпаролот на Стејт департментот на САД, Филип Кроули за новинарите изјави дека американските правосудни институции спроведуваат истрага за протекување на официјалните документи. Всушност, во истрагата со која раководи Министерството за правда, удел имаат и Управата за дипломатска безбедност, структури на Пентагон и ФБИ, како и експерти од други разузнавачки агенции, но засега нема конкретно обвинетите.Претходно Стејт Департментот објави дека според првичните сознанија, „истекувањето“ на официјалната кореспонденција не се случило од структурите во Стејт департментот, туку од систем на владините комуникации. Сепак, премногу е рано да се каже дека обвинувањето за крадењето информации може да биде покренато лично за Асанж, и покрај тоа што САД тврдат дека нема да бараат негова екстрадиција.„Нашата истрага продолжува, а апсењето е работа на Велика Британија и Шведска … Ние ја истражуваме повредата на американскиот закон: трансферот на 250 илјади официјални документи, при што во владините структури не е осомничен за криминално дејство“, изјави претходно Кроули, одговарајќи на прашањето на странските новинари во Вашингтон за тоа дали САД ќе покренат постапка за екстрадиција на Асанж и негово изведување пред американски суд.Кроули исто така ги отфрли шпекулациите дека САД може да обезбедат, или претходно веќе им дале на властите во Велика Британија некои информации кои може да се користат во судскиот процес против Асанж.„Ова прашање се наожа во рацете на британските власти, кои постапуваат по налог и барање за екстрадиција на Шведска“, вели Кроули.Според портпаролот на Стејт департментот, реакцијата на САД на објавувањето на материјалите на Wikileaks и прогонот од страна на Шведска на основачот на фамозната интернет страница немаат никаква меѓусебна поврзаност и немаат ништо заедничко со напад врз слободата на медиумите, бидејќи Асанж не е новинар.„Ништо од ова што се случи, не го промени нашиот поглед на значењето на слободата на медиумите, дури и ако има некои вакви притисоци ние со тоа не се согласуваме. Не е променето нашето мислење дека силните медиуми се од витално значење за демократијата и градењето на граѓанското општество во која и да е земја, каде и да е во светот. Но клучниот факт тука е што г-дин Асанж не е новинар. Тој е анархист, и не можат да ужива заштита како новинар“, заклучи Кроули.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Новиот шеф на Тајната служба е агентот кој го чуваше Трамп за време на обидот за атентат
Американскиот претседател Доналд Трамп го назначи Шон Куран за нов директор на американската тајна служба. Во објава на својата социјална мрежа „Трут соушал“, Трамп рече дека Куран е голем патриот кој го штител неговото семејство во последните неколку години.
Тој служеше како специјален агент задолжен за безбедноста на Трамп четири години. Скокна на сцената за да го заштити со своето тело за време на првиот обид за атентат на 13 јули во Батлер. Додека раководеше со обезбедувањето на Трамп, надгледуваше 85 луѓе.
„Тој ја докажа својата храброст кога го ризикуваше сопствениот живот за да помогне да се спаси мојот од куршум на атентатор во Батлер, Пенсилванија“, напиша Трамп. Куран се приклучи на Тајната служба во септември 2001 година.
Тајната служба, која е одговорна за заштита на сегашните и поранешните претседатели на САД, се соочи со криза откако вооружен маж успеа да го застрела Трамп од покривот на митинг на отворено во Батлер. Трамп беше погоден од куршум во десното уво, а еден учесник на митингот беше убиен во престрелката.
Напаѓачот, идентификуван како 20-годишниот Томас Крукс, на крајот бил убиен од снајперист на Тајната служба.
Свет
Ирска има нов премиер
Мајкл Мартин денеска по втор пат беше избран за ирски премиер со гласовите на коалицијата на двете големи партии од десниот центар и независните претставници.
Ова е втора последователна коалиција меѓу две историски ривалски партии, Фин Гаел и Фиана Фаил, кои наизменично ги водеа сите ирски влади од основањето на земјата, а независните пратеници го заменија помалиот коалициски партнер, Партијата на зелените, која загуби најголем дел од седишта.
Гласањето беше закажано за во среда, но парламентарната седница мораше да се одложува четири пати по протестите на опозицијата поради правото на независни пратеници, кои ја поддржуваат владејачката коалиција, да говорат. Двете страни на крајот се договорија и Мартин беше избран.
Мартин (64) беше премиер од 2020 до 2022 година.
Свет
(Видео) Европа во страв од опасна бура: се очекуваат застрашувачки удари на ветер, метеоролозите предупредуваат дека никогаш не виделе нешто слично
Опасната бура „Еовин“, која носи урагански ветрови, силен дожд и снег, се движи кон Велика Британија, со црвени предупредувања издадени за Северна Ирска и делови од Шкотска во петокот.
Метеоролозите предупредуваат на бурни ветрови кои ќе дуваат и до 160 км/ч, а остатоците од покривите и куќите што ги носи ветерот може да бидат опасни по живот.
Another video from Quintrell downs #cornwall of strong winds ( possible downburst or a tornado after hail and thunder passed over)
Video courtesy of Niamh@NickJF75@bbcweather@AnthonyStorms7 @DundeeSat @BlackCountryWX @BBCCornwall @ITVCharlieP @itvnews @BBCCornwall… pic.twitter.com/vTRwEwT4G7
— Kernow Weather Team (@KWTWeather) January 23, 2025
Метеоролошката служба предупреди дека очекуваат оштетувања на згради, разнесени покриви, паднати дрвја и значителни нарушувања во сообраќајот со потенцијално откажување на летови, возови и траекти. Можни се и прекини на струја, од кои некои би можеле да траат и неколку дена.
Синоптичарите дури ги предупредиле сопствениците на домашни миленици да ги држат своите кучиња со каишки поради страв дека силните бранови би можеле да ги однесат на брегот. Од милиони луѓе е побарано да останат дома, училиштата во Северна Ирска ќе бидат затворени, а на луѓето им било кажано да не патуваат во Шкотска.
Министерот за образование рече дека одлуката за затворање на училиштата е донесена со цел да се избегне каква било потенцијална опасност по животот на децата.
– Училиштата денеска треба да развијат планови за учење на далечина за учениците да можат да учат дома – рече тој.
– Ова е огромна бура. Никогаш не сум видел такво нешто во кариерата – изјави прогнозерката на Би-Би-Си Џудит Ралстон.
Друг експерт за временска прогноза предупреди дека бурата „Еовин“ би можела да го донесе на Шкотска најнискиот притисок од 1982 година, што ќе ја направи една од „најинтензивните“ бури што ја погодиле земјата во поновата историја.
Во централна Шкотска има црвено предупредување додека бурата се движи кон исток.
Железничките оператори Avanti, LNER, Lumo и Northern во петокот издадоа предупредувања до патниците да не патуваат во северна Англија и северен Велс.
– Ако треба да патувате, подгответе се за тоа на што може да наидете. Очекувајте да наидете на паднати гранки и други остатоци на патиштата, особено во руралните области, им рекол Крис Вуд на возачите.
Би-Би-Си забележува дека веќе во четврток започнува голема промена на времето во Велика Британија, бидејќи обилните врнежи од дожд и силните ветрови ја зафатија земјата.
Македонија силна против Катар
Ракометната репрезентација на Македонија ја забележа втората победа, прва во главната фаза, на 29.Светско првенство. Попладнево во Вараждин, Македонија го...
Почина тримесечно бебе во Скопје
Вчера во 09.10 часот во СВР Скопје, од Итна медицинска помош Скопје било пријавено дека во семејна куќа на подрачјето...
Рокас од Куманово ја поздрави размената на честитки за новата влада во Бугарија и нагласи дека е фокусиран на реформите што се бараат од нас
Честитките што македонските политичари ги испратија за изборот на новата влада во Бугарија, евроамбасадорот во земјата, Михалис Рокас, смета дека...
Вељаноски, Јанакиески, Ристовски и Атанасовски ослободени од гонење за „Oрганизатори на 27 април“
Трајко Вељановски, Миле Јанакиески, Спиро Ристовски и Владимир Атанасовски се ослободуваат од кривично гонење во предметот „Организатори на 27 април“....
Верижен судир на скопската обиколница кај Смилковското Езеро, се судриле автобус, товарно возило и автомобили
Вчера околу 20.30 часот во СВР Скопје било пријавено дека на автопатот – обиколница на град Скопје, во близина на...
„Прашањето е решено, конечно и неповратно“: грчкото МНР ја оценува како провокација изјавата на Мицкоски
Атина излезе со официјален одговор на неодамнешните изјави на премиерот на Северна Македонија, Христијан Мицкоски, кој посочи дека Скопје не...
(Видео) Надлежните си ја префрлаат топката кој е виновен, а пациентите на Онкологија седум дена се без потребната биолошка терапија, велат од СДСМ
„Додека надлежните си ја префрлаат топката кој е виновен, пациентите на Клиниката за онкологија седум дена се без потребната биолошка...
Резил е што СДС е против купување нов државен авион по еден погинат претседател и еден врз кој е извршен атентат, велат од ВМРО-ДПМНЕ
„Последиците што ги сносиме како држава со користење на моменталниот авион, кој не ги покрива потребите на државата и е...
Утрово најстудено во Берово, најмногу снег на Попова Шапка
Утрово најстудено било во Берово каде биле измерени -6 степени, -4 било на Попова Шапка, -3 во Битола, Прилеп и...
ДУИ: Невиден и нечовечки говор на пратеникот од „Влен“ во Собранието, кој употреби навредлива и неприфатлива реторика кон лидерот Ахмети
ДУИ ја изразува својата најдлабока огорченост од „невидениот и нечовечки говор на пратеникот од Влен во Собранието, кој употреби навредлива...
(Видео) Опасноста од пожар и понатаму е на критично ниво во Калифорнија, наредена е евакуација: „Изгледаше како да возиме во пеколот“
Опасноста од пожар и понатаму е на критично ниво во Јужна Калифорнија, каде што илјадници жители добија наредба да се...
Писториус: Русија може да ги нападне членките на НАТО во рок од пет години
Борис Писториус предупреди на теоретска закана од руски напад врз земјите на НАТО во 2029/2030 година. Според него, дотогаш Русија...
Јужнокорејските истражители бараат од обвинителите да го обвинат Јун за бунт
Антикорупциската агенција на Јужна Кореја побара од обвинителите во вторникот да го обвинат претседателот Јун Сук-Јол за бунт и злоупотреба...
Трагедија во Индија: скокнале од воз поради шпекулации за пожар, а друг воз ги прегазил, 13 мртви
Најмалку 13 лица загинаа од удар на воз во западна Индија кога патниците скокнале од друг на соседната пруга, бидејќи...
Америка испраќа дополнителни 1.500 војници на јужната граница
Американската војска се подготвува да испрати приближно 1.500 дополнителни војници на границата со Мексико, изјави американски официјален претставник само два...
Пијан маж избол во вратот 22-годишна девојка: Обид за убиство во Крива Паланка
Јавен обвинител од Основното јавно обвинителство Куманово донесе Наредба за спроведување истражна постапка против едно лице за кое постои основано...
Туск повика на вооружување на Европа: „Времето на удобност заврши“
Полскиот премиер Доналд Туск изјави дека „времето на удобност е завршено“ за Европската унија и повика на значително повисоки распределби...
Тошковски: Неоспорно е дека полицаецот не погледнува во мониторот и му дозволува на Груби да излезе, се води постапка дали има други вмешани
Бегалецот Артан Груби, поранешен министер и вицепремиер, сè уште не е достапен за македонската полиција. Министерот за внатрешни работи Панче...
СДСМ: Мицкоски немал ниту официјална покана за инаугурацијата на Трамп, ниту бил дел од неа
Патувањето на премиерот Мицкоски во САД требаше да биде дипломатска мисија од висок ранг, но се претвори во евтина ПР...
„’Влен’ не се залага за внуци“: Дрин Ахмети бил повикан од Обвинителството
„Кога ќе се спомене ДУИ, не можеме да мислиме друго освенна злоупотреби и корупција. Сакаме да ја информираме јавноста за...
