Свет
Самитот во Канкун го одобри „климатскиот пакт“
Конференција на земјите од Рамковната конвенција на ОН за климатски промени усвои документи подготвени во рамките на договорот за долгорочна соработка (LCA), кој претставува продолжение на патот кон создавање нов пост-кјотовски договор
Мексиканскиот претседател Фелипе Калдерон, кој говореше по усвојување на документот, зборуваше за почеток на „новата ера во соработката во областа на климатските промени.“.Според документи донесени во Канкун, исто така се воспоставува Зелениот климатски фонд, во кој ќе се слеваат голем дел од финансирањата за климата. До 2020 г., Фондот треба да достигне 100 милијарди долари годишно, а во периодот од 2010 до 2012 г., средствата треба да достигнат 30 милијарди долари. Покрај тоа, со прифатениот документ се формираат и центри за трансфер на „зелените“ технологии.Проектот вклучува и механизам за целни показатели (затоплувањето не треба да надминува 2 степени), во зависност од новите научни податоци, мерки за намалување на емисијата на штетни гасови, механизам за заштита на шумите REDD, како и механизам за следење и известување – MRV.Како што заклучија учесниците во преговорите и експертите, овој документ е проширена и покомплицирана верзија на Договорот во Копенхаген, иако терминот „Копенхаген“ во него ниеднаш не се споменува.Конференција на учесниците на Рамковната конвенција на ОН за климатски промени (UNFCCC) беше отворена во Канкун на 29-ти ноември и на неа имаше и македонска делегација. Главната цел на последната сесија на конференцијата во Копенхаген во 2009 г. беше создавање на пост-Кјото договор, кој го замени Протоколот донесен во 1997 г., а чија важност истекува во 2012 г. Меѓутоа, Самитот во Копенхаген заврши без да биде општоприфатен ткн. Договор од Копенхаген, на кој подоцна беше придружуван од голем број земји.Во Канкун не стана збор за каков и да е глобален договор – задачата од овој собир беше доколку е возможно проблемите да бидат решени на наредната конференција во Дурбан, Јужна Африка, којашто треба да се одржи кон крајот на 2011 г.Преносот на оваа конференција во Канкун може да се следи директно преку интернет страницата на саемот./крај/со/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.