Министерот за внатрешни работи Рашид Нургалиев во неделата му предложил дополнителни мерки на претседателот на Руската Федерација Дмитриј Медведев во врска си вчерашните неовластени протести на фудбалски навивачи и членови на радикалните организации во Москва и во Санкт Петерсбург, соопшти прес-службата на Кремљ.Дмитриј Медведев ги одобри вчера преземените дејствија на руската полиција и му наложил на министерот да продолжи да ги презема сите потребни мерки заради заштита на јавниот ред. Медведев во соопштението што го пренесуваат руските медиуми истакнал дека се неприфатливи масовните нарушувања на мирот и законите, нагласувајќи дека полицијата во спроведување на законот има право во таквите ситуации да ги презема сите законски овластувања“. Според неофицијалните информации во вчерашните безредијата во Москва во кои наводно има едно загинато лице, полицијата ја зајакна безбедноста на улиците. Началникот на полицијата во руската престолнина Владимир Колоколцев по судирите меѓу фудбалските навивачи и полицијата, нареди засилени патроли по улиците на Москва во текот на ноќта кои продолжуваат и денеска.Московската полиција ја следи ситуацијата на територијата на сите административни единици на московската област и доколку има некои индиции ќе се активира мобилната резерва, вклучувајќи ги и единиците од составот на ОМОН (специјалните единици на Внатрешните војски на Министерството за внатрешни работи на Руската Федерација).Во саботата на плоштадот Манежнаја, во близина на Црвениот плоштад дојде до жестоки судири меѓу полицијата со според последните процени околу пет илјади претежно млади луѓе од различни провиниенции, од фудбалски навивачи до приврзаници на националистички организации. Во судирите со повреди се хоспитализирани 29 лица а според првичните податоци починал еден од повредените.Жестокиот судир меѓу демонстрантите кои употребуваа пиротехнички средства, камења и палки, и полицијата која употреби пендреци, избија откако навивачите не сакаа да се повлечат на повиците на московските власти, туку одговорија со националистички пароли и со напади врз случајните минувачи кои им наликувале на припадници на етничките малцинства од подрачјето на северен Кавказ.Претходно илјадници навивачи на московски Спартак се собраа и положија знамиња на автобуската постојка на булеварот Кронштад во северниот дел од Москва на којашто на 6-ти декември беше застрелан Егор Свиридов еден од навивачките водачите во тепачка со доселениците од северен Кавказ. Според некои руски медиуми, Свиридов бил водач на „Ултрас“ една од насилните навивачки групи на Спартак. Ова убиство предизвика голем револт кај навивачките групи во Русија. Блоговите и социјалните мрежи во Русија деновиве се многу активни во врска со овој случај и на нив се изразува голем револт заради нерешавањето на овој случај. Полицијата прво уапси шест осомничени, но ослободи петмина и досега нема подигнато обвинение. Во руските медиуми се изразува загриженост дека тензиите ќе се зголемат затоа што навивачите преку своите блогови потсетуваат дека се’ уште не е решен случајот на убиството на уште еден навивач на Спартак, Јуриј Волков, од летово годинава./.крај/риа/кп/сн