Свет
Асанж во притвор најмалку уште два дена
Основачот на Викиликс ќе остане во притвор уште најмалку 48 часа, а неговите адвокати за тоа време треба да најдат 200 илјади фунти во готово за кауција, бидејќи судот не прима чекови, изјавил Марк Стивенс, адвокат на Џулиан Асанж. Како што пренесовме претходно, денеска судијата на судот во Вестминстер го ослободи Џулиан Асанж со кауција од 240 илјади фунти, по повторените барања на неговите адвокати. Основачот на контроверзната интернет страница WikiLeaks којашто континуирано објавува стотици илјади страници тајни документи за војните во Ирак и Авганистан, како и тајните дипломатски преписки на Стејт-департментот и американските дипломати низ светот, беше уапсен врз основа на потерницата на Интерпол издадени по барање на шведското обвинителство коешто бара негова екстрадиција во Шведска, каде што Асанж е обвинет за силување и сексуално вознемирување. Асанж мора да го предаде на судот својот пасош, да носи електронски чип преку којшто ќе се следи неговото движење во секој момент, да ја одреди адресата на којашто ќе биде достапен во секое време (веќе е посочена адреса во округот Сафолк) и секоја вечер да се пријавува во локалната полициска станица.Асанж мора да плати уште 200 илјади фунти во готово веднаш, а 40 илјади фунти да остави како гаранција ако ги прекршува условите за ослободување. „Жално е што тој не може да плати со неговите картички Виза и Мастеркард“, иронично изјавил адвокатот Стивенс. Инаку, меѓународните платежни системи по избивањето на скандалот со Wikileaks ги суспендираа трансферите на донациите за оваа интернет страница. Асанж најверојатно нема да може да излезе од притвор најрано до четврток. Според Стивенс, поддржувачите на Асанж веднаш започнале акција за собирање на сумата потребна за плаќање на кауцијата, а досега парична помош за Австралиецот ветиле неколку познати јавни личности – режисери, активисти за човековите права и новинари, чиишто имиња засега не се откриваат. Стивенс го изрази своето задоволство од одлуката на судот, иако призна дека, според него, процесот може да се води многу години. Тој додаде дека неговиот клиент се чувствува добро, но дека во 24-часовниот притвор му е забрането да чита и не му се обезбедува пристап до неговата електронска пошта. Асанж беше уапсен на 7-ми декември, кога доброволно се јави во Скотланд Јард. На првото судско рочиште, коешто се одржа истиот ден, беше одбиено барањето на 39-годишниот Австралиец да биде ослободен со кауција. Со тоа, според британските процедури, сослушувањата за екстрадиција треба да се одржат во рок од 21 ден.Сепак, како што покажува практиката, при вакви големи процеси се погласни се обвинувањата за политизација на самиот процес, донесувањето на конечната одлука на судот може да потрае и неколку месеци. Судот во шведската престолнина Стокхолм во ноември го одобри барањето на тамошното обвинителство да се побара апсење на Асанж по обвиненијата за силување и сексуално вознемирување. На 20-ти ноември канцеларијата на шведскиот јавен обвинител до Интерпол поднесе барање за распишување меѓународна потерница.По ослободувањето Асанж ќе живее во регионот Сафолк, во куќата којашто му ја отстапил основачот на познатиот лондонски новинарски клуб Frontline Club. Основачот на клубот Вон Смит изјавил дека е подготвен да му обезбеди постојано престојувалиште на Асанж, што е дел од условите под кои е ослободен со кауција, и тој веднаш му ја понудил својата родна куќа, каде што, како што изјавил за медиумите, „има многу простор и каде што тој (Асанж) ќе биде на сигурно“./крај/де/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лондон в година ќе добие такси без возачи
Американската компанија „Вејмо“ објави дека нејзините такси без возачи ќе бидат достапни на улиците на Лондон в година, што ќе го направи британскиот главен град првиот европски град со целосно автономна такси-услуга, пишува „Гардијан“.
Според соопштението на компанијата, возилата првично ќе работат со обучени возачи за безбедност, а целосно автономното возење се очекува да почне во 2026 година по добивањето на потребните дозволи од надлежните британски власти.
„Вејмо“, дел од групацијата „Алфабет“, која е сопственик и на „Гугл“, моментно нуди автономни такси-услуги во Сан Франциско и во неколку други американски градови. Компанијата наведува дека ќе соработува тесно со британското Министерство за транспорт за да обезбеди услови за безбедно воведување на технологијата.
Британската министерка за транспорт Хајди Александар ги поздрави плановите на американската компанија истакнувајќи дека „автономните возила ќе придонесат за нови работни места, инвестиции и поголема достапност на транспортот“.
Целосна имплементација на Законот за автономните возила во Велика Британија се очекува кон крајот на 2027 година, а слични проекти за Лондон најавија и „Убер“ и локалната компанија „Вејв“.
Фото: принтскрин
Свет
Нетанјаху: Хамас ќе очекува пекол ако не го положи оружјето
Израелскиот премиер Бенјамин Нетанјаху изјави дека Хамас ќе се соочи со пекол доколку не се согласи да го положи оружјето.
„Се согласуваме да му дадеме шанса на мирот“, рече Нетанјаху за „Си-би-ес њуз“.
На прашањето што би значело крај на војната во Газа, тој одговори: „Во предвидлива иднина, не само за Израел туку и за слободниот и цивилизиран свет, неопходно е да се задржи способноста за одбрана бидејќи слободата не е трајна, ниту автоматска“.
„Ако не можете да ги браните слободните општества, тие ќе бидат надвладеани од авторитарни или тоталитарни режими“, додаде тој.
Нетанјаху зборуваше и за Трамп и за заштитата на еврејската држава повторувајќи една од неговите мисли: „Начинот на кој се постигнува мир е преку сила“.
Откога Трамп во понеделник во Кнесетот изјави дека Нетанјаху не е најлесен за договор, израелскиот премиер возврати: „Многу сум цврст кога станува збор за иднината на мојата земја“.
„Кога верувам дека она што се бара од мене е исправно, велам ‘да’, а кога мислам дека треба да кажам ‘не’, тогаш велам ‘не’. Тоа е мојата работа – да ја заштитам еврејската држава и да ја обезбедам иднината на еврејскиот народ“, изјави Нетанјаху.
Свет
САД бараат од НАТО повеќе пари за оружје за Украина
Американскиот министер за одбрана, Пит Хегсет, ги повика сојузниците во НАТО да го зголемат финансирањето за купување американско оружје за Украина по падот на воената помош во јули и во август.
„Мир се постигнува кога сте силни, не со зборови, туку со способности што противниците ги почитуваат“, изјави Хегсет пред состанокот во Брисел.
Тој побара поголеми вложувања во програмата ПУРЛ, преку која се финансира набавката на оружје за Киев. Генералниот секретар на НАТО, Марк Руте, соопшти дека веќе се обезбедени две милијарди долари, иако тоа е помалку од очекуваните 3,5 милијарди.
Шведска, Естонија и Финска најавија нови донации, а Шпанија, Италија, Франција и Велика Британија се соочуваат со критики поради воздржаноста. Украина и понатаму во голема мера зависи од американското оружје додека се подготвува за уште една зима од војната со Русија.
Ѓорѓиевски вети бесплатен оброк за секој средношколец и наградни патувања во Европа за првенците на генерација
Кандидатот за градоначалник на Скопје од ВМРО-ДПМНЕ, Орце Ѓорѓиевски, денес ја претстави програмата за средношколците. Вети модерен, дигитален и еколошки...
Откриена царинска измама со додатоци на храна во висина од 622 илјади денари: стоката ја пријавувале во погрешна тарифна ознака со пониски царински давачки
Кривична пријава за сторено кривично дело „царинска измама“ со увози на додатоци за исхрана е поднесена за увозник, шпедиции и...
Костовски: Нов модерен затворен базен во Бутел
Актуелниот градоначалник на Бутел и кандидат на локалните избори од ВМРО-ДПМНЕ, Дарко Костовски им најави на граѓаните на Општината дека...
Венециската комисија предлага јавниот обвинител да се избира и разрешува со квалификувано мнозинство во Собранието
Венециската комисија и Генералниот директорат за човекови права на Советот на Европа препорачуваат јавниот обвинител да се избира и разрешува...
„Од 2.500 на 5.000 денари ја зголемуваме еднократната парична помош за пензионерите“, најави Герасимовски
Кандидатот за градоначалник на Општина Центар од редовите на СДСМ и актуелен градоначалник Горан Герасимовски, информира дека од следната година...
„Милионски профити за фирми блиски до Заев преку тендери на ‘Марковски компани’ додека 600.000 граѓани живееja со 150 денари на ден“, велат од ВМРО-ДПМНЕ
„Додека инфлацијата во државата беше двоцифрена, а над 600 000 граѓани живееа со 150 денари на ден Заев и неговите...
Колку вреди македонскиот пасош: Македонците без виза може да посетат 129 дестинации
Првпат во историјата на Henley Passport Index, листата на најмоќни пасоши во светот повеќе не ги вклучува САД во првите...
Фон дер Лајен денеска во Скопје, ќе ја пречека премиерот Мицкоски
Претседателката на Европската комисија, Урсула фон дер Лајен, попладнево ќе пристигне во Скопје, во рамки на нејзината балканска турнеја. Таа...
(Видео) Трамп во пресрет на одлуката за Украина: „Имав добри односи со Владимир. Многу сум разочаран“
Неколку дена пред посетата на украинскиот лидер Володимир Зеленски на Вашингтон, американскиот претседател Доналд Трамп синоќа изјави дека е многу...
Прекини во снабдувањето со електрична енергија во дел од Украина, вклучително и во Киев
Преоптоварувањето на електричната мрежа и последиците од претходните руски напади доведоа до прекини во снабдувањето со електрична енергија во Киев...
Трамп го одликува Чарли Кирк
Американскиот претседател Доналд Трамп вчера му го додели на убиениот конзервативен активист Чарли Кирк Претседателскиот медал за слобода, највисокото цивилно...
Грчкиот парламент денес гласа дали ќе го воведе најдолгиот работен ден во Европа
Грчките пратеници денес треба да гласаат за контроверзна реформа што би ѝ овозможила на централно-десничарската влада да воведе 13-часовен работен...
(Видео) Најмалку 20 лица загинаа во пожар во автобус во Индија
Најмалку 20 лица загинаа во пожар во автобус во индиската држава Раџастан, објавија локалните медиуми. Автобусот превезувал повеќе од 50...
Трамп ги третира европските лидери како марионети во својот „куклен театар“, вели Карпович
Претседателот на САД, Доналд Трамп, гледа дека европските лидери му се целосно потчинети и се подготвени да реагираат на секој...
„Пренеси им поздрав и порака на нашите ангели“ – родителите од Кочани сочувствуваат со смртта на Панчо
Здружението на граѓани „16 март“, формирано од некои од родителите и семејствата на загинатите деца во пожарот во дискотеката „Пулс“...
Железничката станица не може да биде турбофолк-хаб, Ивановски ќе отстранува сѐ што не е во проектот од Кензо Танге
Железничката станица во најкус рок ќе биде исчистена од билборди, паноа и графити и ќе биде забрането да се поставуваат...
Андоновски: Македонија добива национален центар за вештачка интелигенција – почнува проектот „Везилка“
Министерот за дигитална трансформација, Стефан Андоновски, денеска официјално го претстави проектот „Везилка“ – Национален центар за вештачка интелигенција, капитален проект...
Почина Панчо од ДНК
Владимир Блажев-Панчо од дуото ДНК почина речиси седум месеци по трагедијата во Кочани во дискотеката „Пулс“, каде што доби сериозни...
Извештаи за примени донации доставиле 35 отсто од учесниците во изборната кампања
Во согласност со Изборниот законик, учесниците во изборната кампања за локалните избори 2025 година имаат обврска да поднесат извештаи за...
„Од 7.000 на 10.000 го зголемуваме надоместокот за новороденче“, најави Герасимовски
Кандидатот за градоначалник на општина Центар од редовите на СДСМ, Горан Герасимовски, синоќа беше на терен, на средби со граѓаните...
