Свет
Кривата кула во Пиза веќе не е толку крива
По десет години интензивна реставрација на познатата крива кула во Пиза која главно е завршена и засега, како што велат надлежните, е помалку крива, но поубава и постабилна од претходно. Едно од најпопуларните обележја на Италија, камбаната на кулата во Пиза сега е безбедно, но и многу почисто и убаво по долгото обновување.Објектот првпат од 1990 до 2001 година бил затворен за јавност и во тој период малку исправен па сега неговиот степен на навалување е намален од 5,5 степени на 3,9 степени.Реставраторите користеле длето и ласерска технологија за отстранување на нечистотијата од повеќе од 24.000 камени блокови на кулата.Бидејќи реставрацијата е завршена, скелето кое го опкружувало горниот дел на кулата ќе биде отстрането следната година.„Кулата беше на работ да се урне, но ние успеавме да го спречиме нејзиното накривување и ја направивме безбедна за следните 200 години“, изјавил Џузепе Бентивољо од организацијата „Опера Примазиале“ која се занимава со заштита на кривата кула./крај/блиц/пк.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.