Интернет страницата WikiLeaks меѓу 250-те илјади тајни депеши на американската дипломатија, во четвртокот објави и белешки на американскиот дипломат Фарер кој на Куба дејствувал со посебна канцеларија во швајцарската амбасада

„Наспроти долгогодишната политичка и финансиска поддршка од САД на кубанските дисиденти, водачите на опозицијата во Хавана се главно непознати, претежно разединети и најверојатно никогаш нема да владеат со земјата“, се вели во тајната анализа на највисокиот американски дипломатски претставник на Куба, која се наоѓа меѓу документите коишто ги објави WikiLeaksЏонатан Фарар, шефот на канцеларијата при швајцарската амбасада во Куба,  која ги застапува американските интереси, во дипломатската белешка пишува и дека дисидентите ја заслужуваат поддршката како „совест на Куба“, но Вашингтон „најверојатно наследниците на режимот на Фидел Кастро ќе треба да ги бара на друго место, па дури можеби и во самата влада“.„Има многу малку докази дека дисидентските организации имаат влијание кај обичните Кубанци. Без промени, традиционалното дисидентско движење најверојатно не ќе може да ја замени кубанската влада“, напишал Фарар.Коментарите на Фарар во белешката од 15 март 2009 г.  го наметнуваат прашањето колку била мудра долгогодишната американска политика на давање поддршка на кубанските дисиденти, како алтернатива на комунистите кои владеат со островот од 1959 г.Белешката, којашто ја објави шпанскиот весник El Pais е една од 250-те илјади доверливи документи на дипломатската служба на САД, кои неодамна ги објави фамозната интернет страница која се прослави со обајвувањето на тајните американски документи за војните во Ирак и во Авганистан, како и по тајните депеши на американскиот Стејт департмент и на диплоамтите низ светот.