Повеќе од 110 лица се полесно повредени во голем пожар што беснее северно од Марсеј со денови, изјави францускиот министер за внатрешни работи Бруно Рејто. Пожарот сè уште не е под контрола, а хеликоптери и повеќе од илјада пожарникари помагаат во неговото гаснење.

„Пожарот сè уште не е под контрола“, им рече Рејто на новинарите во вторник вечерта за време на обиколката на погодената област. Тој додаде дека повеќето од повредите се полесни и дека засега нема жртви.

BREAKING : Huge Wildfire Erupts in Marseille — Emergency Crews on Site 🇫🇷 pic.twitter.com/Pa0lO6raJ5

— MOHAMMAD AHSAN (@MOHAMMAD_AARSH) July 8, 2025

Според Мартин Васал, претседателка на метрополитенската област Екс-Марсеј-Прованс, пожарот е предизвикан од автомобил што се запалил покрај автопатот. Пожарот избувнал во близина на Ле Пен-Мирабо и се проширил на површина од околу 720 хектари. Околу дваесетина згради се оштетени, додека стотици домови се евакуирани.

Градоначалникот на Марсеј, Беноа Пајан, ја опиша ситуацијата како „битка“ и го спореди гаснењето пожари со „герилска војна“. „Чекаме да видиме како ќе се развие во текот на ноќта, тоа ќе биде клучно“, рече Пајан. „Сè е стратешки важно: брзината на ветерот, влажноста, ноќта и секој фактор може да го промени текот на настаните. Опасноста е сериозна, а работата е исклучително тешка“.

The Pennes-Mirabeau wildfire has reached Marseille fuelled by gusts of 80-90 km/h! 😱

The 100km-long plume is visible over Mediterranean Sea by satellite! 🔥💨

🛰️ @meteofrance
📷 Anne de Plux (Facebook) pic.twitter.com/yIxba5emcs

— Melaine Le Roy (@subfossilguy) July 8, 2025

Воздушниот сообраќај на аеродромот Марсеј Прованса беше прекинат, а болницата Хоспитал Норд се префрли на генератори поради проблеми со снабдувањето со електрична енергија. Регионалниот институт АтмоСуд предупреди за десет пати поголема дневна максимална концентрација на штетни честички во воздухот.

Пожари избувнаа и во други делови од Медитеранот. Неколку области горат во североисточна Шпанија, а минатата недела пожари го зафатија и јужен Крит, каде што беа евакуирани повеќе од 1.500 луѓе. Нови пожари беа пријавени и во текот на викендот во близина на Атина, во западна Турција и во североисточна Сирија.

Министерот за одбрана на САД, Пит Хегсет, минатата недела не ја известил Белата куќа дека планира да ги запре испораките на оружје во Украина, предизвикувајќи хаос во администрацијата. Пет извори запознаени со ситуацијата за Си-ен-ен изјавија дека официјалните лица се обидуваат да откријат зошто и како да им го објаснат тоа на Конгресот и на украинската влада.

Претседателот Доналд Трамп вчера посочи дека тој не ја донел одлуката. На прашањето за време на состанокот на кабинетот дали го поддржува запирањето, тој само рече дека САД ќе продолжат да испраќаат одбранбено оружје во Украина. Кога повторно го прашаа кој го наредил запирањето, Трамп одговори: „Не знам, зошто вие мене не ми кажете?“

COLLINS: Did you approve of the pause of weapons shipments to Ukraine?

TRUMP: We want to put defensive weapons because Putin is not treating human beings right

COLLINS: So who ordered the pause?

TRUMP: I don't know. Why don't you tell me? pic.twitter.com/N46JsMpBZZ

— Aaron Rupar (@atrupar) July 8, 2025

Случајот покажува колку понекогаш може да биде неорганизирано донесувањето одлуки во администрацијата на Трамп, особено во Министерството за одбрана, кое го води Хегсет. Тоа беше второ такво суспендирање на испораките на оружје за Украина оваа година, и обете ги изненадија високите безбедносни функционери.

Првото се случи во февруари, но брзо беше поништено, велат три извори. Сличен инцидент се случи оваа недела, при што Трамп објави во понеделник вечерта дека испораките продолжуваат, иако Хегсет претходно го потпиша суспендирањето.

Специјалниот претставник на САД за Украина, пензионираниот генерал Кит Келог, и државниот секретар Марко Рубио, кој е и советник за национална безбедност на Трамп, исто така не беа информирани за суспендирањето – тие дознаа за тоа од медиумите, велат изворите. Портпаролот на Пентагон, Кингсли Вилсон, изјави за Си-ен-ен дека Хегсет му дал на претседателот рамка за проценка на испораките и залихите на воена помош, во координација со други делови од владата.

На прашањето дали Хегсет ја известил Белата куќа однапред за суспензијата, портпаролката на Белата куќа, Каролина Ливит, рече дека Пентагон спроведе преглед за да се осигури дека странската помош е во согласност со интересите на САД. Таа додаде дека претседателот Трамп одлучил да продолжи да испраќа одбранбено оружје во Украина за да „ги запре убиствата во оваа брутална војна“ и нагласи дека претседателот „продолжува да има целосна доверба во секретарот за одбрана“.

Два извори за Си-ен-ен изјавија дека Хегсет не ја информирал Белата куќа бидејќи нема началници на кабинетот или блиски советници околу себе кои би го охрабриле подобро да ги координира таквите важни одлуки со другите институции.

Кога минатата недела дозна за прекинот, Трамп му рече на Хегсет веднаш да продолжи барем со дел од испораките – поточно, ракетите „Патриот“ кои се клучни за одбрана на украинските градови од руски напади со беспилотни летала и ракети.

Според високиот функционер, голем дел од оружјето е веќе во Полска и може брзо да се префрли во Украина. Пакетот претходно бил одобрен од претходната администрација и веќе бил на пат кога испораката била запрена. Во телефонски разговор со украинскиот претседател Володимир Зеленски во петокот, Трамп ја намали својата улога во одлуката, објави Си-Ен-Ен.

Пентагон дури доцна во понеделник објави дека испораките ќе продолжат по наредба на претседателот – откако Трамп јавно изјави претходно во текот на денот дека на Украина ѝ е потребно одбранбено оружје.

Трамп ја повтори таа порака во Белата куќа во вторник: „Ќе ви кажам што – Украинците, без разлика дали мислите дека им дадовме премногу пари или не, покажаа храброст, бидејќи некој мораше да го употреби тоа оружје“, рече тој. „Многу луѓе што ги познавам не можеа да го сторат тоа. Тие немаа храброст.“

Според два извори, Трамп во моментов не е подготвен да „ѝ даде победа на Русија“ со тоа што ќе ја одложи воената помош за Украина. Тој станува сè пофрустриран од рускиот претседател Владимир Путин, кој не покажа подготвеност за преговори, велат изворите. „Путин постојано нè потценува“, рече Трамп во вторникот. „На прв поглед сè изгледа многу убаво, но на крајот не функционира“.

Европски функционер изјави за Си-ен-ен дека незадоволството на Трамп од Путин било јасно видливо на самитот на НАТО во Холандија минатиот месец. Тој додаде дека, според нивните сознанија, прекинот на испораките „навистина не дошол од Трамп“.

Одлуката на Пентагон да ја запре испораката, која вклучуваше ракети „Патриот“ и артилериска муниција, дојде откако Трамп побара од Хегсет преглед на американските воени залихи на самитот на НАТО минатиот месец, рече еден извор. Во тоа време, Иран и Израел разменуваа удари, а Трамп сакаше да се осигура дека американските трупи во регионот имаат доволно муниција за да се одбранат.

Портпаролот на Пентагон, Шон Парнел, минатата недела потврди дека одделот спроведува „преглед на капацитетите за да се осигури дека американската воена помош е усогласена со нашите одбранбени приоритети“.

Но, Трамп не побарал конкретно помошта за Украина да биде запрена, според три извори. Таа препорака дојде од Елбриџ Колби, заменик-помошник-министер за одбрана за политика, рекоа сите пет извори. Колби долго време се спротивставува на големите испораки на американско оружје во Украина.

„Политиката ‘Европа на прво место’ не е она што ѝ е потребно на Америка во моментов. Треба да се фокусираме на Кина и Азија“, напиша тој на Икс минатата година.

Откако Белата куќа дозна за суспензијата, претставници на Белата куќа им кажаа на Хегсет и на Пентагон дека засега ќе „се покриваат“, според два извори. Но, тие нагласија дека Пентагон мора да ја објасни одлуката на Конгресот – за која исто така не беше однапред известен.

Во последните денови, претставници на Пентагон му кажаа на Конгресот дека суспензијата е неопходна поради недостиг на американски залихи, велат изворите. Но, Конгресот не добил никакви официјални информации од Пентагон што потврдуваат дека има критичен или итен недостиг на оружје.

Американскиот претседател Доналд Трамп им рекол на донаторите собрани на приватен настан во 2024 година дека му се заканил на рускиот претседател Владимир Путин дека ќе ја „бомбардира Москва“ ако ја нападне Украина, според аудио-снимка објавена од Си-ен-ен.

„Му реков на Путин: „Ако влезеш во Украина, ќе ја бомбардирам Москва. Немам избор“, се слуша како вели Трамп на снимка од настанот за собирање средства. „А потоа рече: ‘Не ти верувам’. Но, ми веруваше 10 проценти“, додаде Трамп.

CNN has EXCLUSIVE AUDIO of Trump telling donors in that YEARS ago during his 1st term it appears had a conversation with Putin he was able to deter Russia from Invading Ukraine by saying “He would BOMB THE SH*T out of Moscow” & then said to to Xi “He would bomb the Sh*t out of… pic.twitter.com/B8ha0lTnqG

— Johnny St.Pete (@JohnMcCloy) July 9, 2025

Американскиот претседател, исто така, тврдеше дека испратил слична порака до кинескиот претседател Кси Џинпинг, предупредувајќи го дека САД ќе го бомбардираат Пекинг ако Кина го нападне Тајван. „Мислеше дека сум луд“, рече Трамп за Кси. „Но, никогаш немавме проблем“.

Снимките од повеќе собири за собирање средства зад затворени врати во Њујорк и Флорида во 2024 година, кои ги собрале новинарите Џош Дози, Тајлер Пејџер и Исак Арнсдорф, се објавени во нивната нова книга „2024“. Досега тие не се објавени за јавноста. Персоналот на Трамп одби да коментира за нивната содржина.

На снимките, Трамп изгледа порелаксиран и поотворен отколку во јавноста, а покрај заканите за надворешна политика, тој зборуваше и за депортацијата на студентите од протестите и тврдеше дека луѓето кои примаат социјална помош „секогаш ќе гласаат за демократите“.